TİTR   Heyvan bazarında 10-a qədər yeni xidmət bölməsi yaradılıb

Ölkə ərazisində mal-qarada yayılan dabaq xəstəliyi səbəbindən bütün heyvan bazarları bir müddət əvvəl bağlanmışdı. Bu tədbir xəstəliyin qarşısının alınması və əhalinin sağlamlığının qorunması məqsədilə həyata keçirilmişdi. Salyanda da heyvan bazarı fəaliyyətini dayandırmışdı ki, satıcılarla alıcılar bazara çıxmaqda çətinliklərlə üzləşmişdilər. Lakin artıq Salyandakı heyvan bazarı yenidən fəaliyyətə başlayıb. Bazarın bağlanmasından istifadə edən rəhbərlik həm də ərazidə yenidənqurma və bərpa işləri aparıb. Belə ki, Salyandakı heyvan bazarında 10-a qədər yeni xidmət bölməsi yaradılıb. Bunlara klinik baxış məntəqəsi, dezbaryer, yem anbarı, yeni doğmuş heyvanlar, boğaz və balalı heyvanların müvəqqəti saxlanılma, iribuyunuzlu heyvanların satışı, xırda buynuzlu heyvanların satışı və digər bölmələr aiddir. Aparılan işlər zamanı həmçinin bazar ərazisi hasarlanıb, bütün sahə betonlanıb, bazarın giriş hissəsində baytarlıq nəzarətinin həyata keçirilməsi üçün müvafiq şərait yaradılıb, tullantıların yığılması və idarə olunması məqsədilə xüsusi sahə ayrılıb, avtomobil dayanacağı inşa edilib, sahədə yaşıllaşdırma işləri görülüb. Yaradılan şərait həm satıcı, həm də alıcılarn ürəyincədir.

Sinxron
Səbuhi Əliyev satıcı
“Palçıqdan çıxmışıq şükür Allaha. Problemli heç bir şeyimiz yoxdur. Hər şey yaxşıdır, qaydasındadır”. 

Sinxron
Kamil Hüseynov satıcı
“Müqayisə odur ki, keçən dəfə burada palçıq var idi, palçığa batırdıq. Bu dəfə betonlanıb, mallar üçün raşotkalar düzəldilib, bazarın girişində dezbaryerlər quraşdırılıb, hər cür şərait yaradılıb. Əvvəl qarışıq idi, bilinmirdi, indi səliqəli şəkildə hər bir mal üşün ayrı-ayrı yerlər ayrılıb. Plkə başçısına təşəkkür edirik, bazar rəhbərliyinə, çox sağ olsunlar ki, millət üçün belə bir şərait yaradıblar”.

Sinxron
Vahid Əliyev alıcı
“Göz qabağındadır. Yüksək səviyyədə təmir olunub. Heç bir problem yoxdur. Rahat alverimizi edirik. Alırıq, satırıq. Biz razıyıq bazarın müdiriyyətindən, sağ olsun bizi nəzərə alıb, qəşəng də şərait yaradıb, heç bir çətinliklə də üzləşmirik”.

K/A
Salyan heyvan bazarının baytarı Mikayıl Rzayev bildirir ki, bura gətirilən heyvanlar ilkin olaraq müayinədən keçirildikdən sonra bazara buraxılır. Əks halda bazara xəstə heyvanların girişinə qadağa qoyulur.

Sinxron
Mikayıl Rzayev baytar
“Salyan rayon heyvan bazarına gələn iri və xırdabuynuzlu heyvanlar tam şəkildə kliniki baxış məntəqəsində yoxlanılır, bazara buraxılır. Bazarda satış qurtarandan sonra mexaniki təmizləmə gedir. Mexaniki təmizləmə tam şəkildə qurtarandan sonra dərmanların, dezinfeksiya olunur, dezbaryerlər su ilə dolur, ora dərman qatılır. Əgər şübhəli, xəstə heyvan müşahiə olunursa bazar daxilinə buraxılmır”.

K/A
Qeyd edək ki, Salyan heyvan bazarı 2 ha ərazidə inşa edilib. Bazar eyni anda 1000 baş heyvan qəbul etmək gücünə malikdir. Burada satış həftədə bir dəfə - çərşənbə günü həyata keçirilir. İndi həm satıcılar, həm də alıcılar rahat və təhlükəsiz şəraitdə bazardan istifadə edə bilirlər. Bazarın açılması və ərazinin yenilənməsi həm yerli əhalinin gündəlik tələbatını ödəyəcək, həm də iqtisadi fəallığın bərpasına töhfə verəcək.