Şəhid Anasına Qayğı göstərmək hər birimizin mənəvi borcudur

Vətən uğrunda canını fəda etmiş hər bir şəhidin adı, ruhu bizim üçün müqəddəsdir. Onların ailələri isə bu torpağın əmanəti, başımızın tacıdır. 11 Aprel 2025-ci ildə Biləsuvar rayonun Əliabad kəndinin  şəhidi  İsayev Rahət Rafət oğlunun anası Xatirə ananın səhhətində yaranan narahatlıq hamımızı dərindən kədərləndirdi. Lakin sevindirici və qürurverici hal odur ki, məsələ dərhal diqqətə alındı və yüksək səviyyədə həll edildi.Milli Məclisin Deputatı Hörmətli Günay xanımın şəxsi təşəbbüsü və nəzarəti ilə şəhidin anası Xatirə Ana Salyan rayonunun Aran klinikasında və Salyan rayon Rayon mərkəzi Xəstəxanasında müayinədən keçirildi. Ona göstərilən tibbi xidmət, diqqət və qayğı Dövlətimizin şəhid ailələrinə olan həssas münasibətinin bariz nümunəsidir. İlk növbədə, Salyan rayonunun tanınmış və peşəkar nevropatoloqu Rəşid doktora dərin minnətdarlığımızı bildiririk. Rəşid doktor hər zaman şəhid ailələrinə yüksək səviyyədə diqqət və dəstək göstərmiş, hər bir müraciətə xüsusi həssaslıqla yanaşır. Aran xəstəxanasının rəhbəri İbrahim bəyə təşəkkürümüzü bildiririk. Onun rəhbərliyi altında göstərilən xidmət və qayğı bizə dərin məmnunluq hissi yaşatdı. 

Allah bütün şəhidlərimizə rəhmət eləsin, onların ailələrinə səbir və güc versin. Azərbaycan yaşadıqca onların əziz xatirəsi və əmanətləri daim uca tutulacaq.