Payız-qış mövsümü ilə əlaqədar qrip əleyhinə vaksinasiyaya başlanılıb

Payız-qış mövsümündə ölkə ərazisində kəskin respirator virus infeksiyalarının yayılmasının qarşısının alınması məqsədilə ənənəvi olaraq profilaktik və əksepidemik tədbirlər həyata keçirilir. Qrip əleyhinə inaktivləşdirilmiş vaksinlər mövsümi olaraq, xüsusilə qrip ağırlaşmalarının meydana çıxma riski yüksək olduğu hallarda uşaqların və böyüklərin qripdən qorunmasına kömək edir.

10 sentyabr 2024-cü il tarixindən etibarən TƏBİB-in tabeliyindəki tibb müəssisələrində vaksinasiya məntəqələrinin işi qaydalara uyğun olaraq və “soyuq zəncir” sisteminin tələbləri nəzərə alınmaqla təşkil olunub. Peyvənd böyüklərə və 6 aydan yuxarı olan uşaqlara təyin etmək üçün nəzərdə tutulub.

Vaksinasiya prosesində Azərbaycan Respublikasının Səhiyyə Nazirliyi tərəfindən ölkəyə yeni gətirilən “Abbott” şirkətinin istehsalı olan tam təhlükəsiz və yüksək keyfiyyətli vaksin preparatlarından istifadə olunur.

Bu peyvəndlər Ümumdünya Səhiyyə təşkilatının (ÜST) və Avropa Şurasının (AŞ) tövsiyələrinə uyğunluq təşkil edir.

Qrip əleyhinə peyvənd olunmaq istəyən vətəndaşlar regionlar üzrə TƏBİB-in tabeliyindəki rayon mərkəzi xəstəxanalarının, eləcə də Bakı şəhəri üzrə ambulator-poliklinik xidmət göstərən ilkin səhiyyə müəssisələrində ödənişsiz olaraq yararlana bilər.

Peyvənd olunmaq respirator virus infeksiyalarına yoluxmaqdan qorunmaq üçün ən effektiv üsuldur.

Qeyd edək ki, qrip əleyhinə peyvənd olunmaq könüllülük prinsipi əsasında həyata keçirilir.

Bakı şəhəri üzrə mövsümi qrip peyvəndinin vurulma məntəqələri

Rayon	Tabeli tibb müəssisəsi
Səbail	1 nömrəli şəhər poliklinikası
	2 nömrəli şəhər poliklinikası
	15 nömrəli uşaq poliklinikası
	33 nömrəli şəhər poliklinikası
	34 nömrəli şəhər poliklinikası
Yasamal	3 nömrəli şəhər poliklinikası
	5 nömrəli uşaq poliklinikası
	16 nömrəli şəhər poliklinikası
	19 nömrəli şəhər poliklinikası
	39 nömrəli şəhər poliklinikası
Nəsimi	1 nömrəli uşaq poliklinikası
	3 nömrəli uşaq poliklinikası
	5 nömrəli şəhər poliklinikası
	20 nömrəli şəhər poliklinikası
	12 nömrəli uşaq poliklinikası
Binəqədi	10 nömrəli şəhər poliklinikası
	20 nömrəli uşaq poliklinikası
	27 nömrəli şəhər poliklinikası
	35 nömrəli şəhər poliklinikası
	Xocasən Sağlamlıq Mərkəzi
Nizami	17 nömrəli uşaq poliklinikası
	19 nömrəli uşaq poliklinikası
	26 nömrəli şəhər poliklinikası
	44 nömrəli şəhər poliklinikası (18 nömrəli Birləşmiş Şəhər Xəstəxanası)
	46 nömrəli şəhər poliklinikası (32 nömrəli Birləşmiş Şəhər Xəstəxanası)
Nərimanov
	4 nömrəli şəhər poliklinikası
	7 nömrəli uşaq poliklinikası
	8 nömrəli şəhər poliklinikası
	14 nömrəli uşaq poliklinikası
	18 nömrəli şəhər poliklinikası
	37 nömrəli şəhər poliklinikası
Xətai	6 nömrəli şəhər poliklinikası
	7 nömrəli şəhər poliklinikası
	8 nömrəli uşaq poliklinikası
	14 nömrəli şəhər poliklinikası (22 nömrəli Birləşmiş Şəhər Xəstəxanası)
	28 nömrəli şəhər poliklinikası
	38 nömrəli şəhər poliklinikası
	Zığ Sağlamlıq Mərkəzi
Suraxanı	1 nömrəli Birləşmiş Uşaq Xəstəxanası
	16 nömrəli uşaq poliklinikası
	23 nömrəli şəhər poliklinikası
	24 nömrəli şəhər poliklinikası
	42 nömrəli şəhər poliklinikası (13 nömrəli Birləşmiş Şəhər Xəstəxanası)
	43 nömrəli şəhər poliklinikası (15 nömrəli Birləşmiş Şəhər Xəstəxanası)
Sabunçu
	2 nömrəli Birləşmiş Şəhər Xəstəxanası
	12 nömrəli şəhər poliklinikası
	21 nömrəli şəhər poliklinikası
	22 nömrəli şəhər poliklinikası
	36 nömrəli şəhər poliklinikası
	Nardaran Sağlamlıq Mərkəzi (8 nömrəli Şəhər Xəstəxanası)
	Bilgəh Sağlamlıq Mərkəzi (28 nömrəli Birləşmiş Şəhər Xəstəxanası)
	Kürdəxanı Sağlamlıq Mərkəzi
Xəzər
	1 nömrəli Birləşmiş Şəhər Xəstəxanası
	14 nömrəli Birləşmiş Şəhər Xəstəxanası
	45 nömrəli şəhər poliklinikası (31 nömrəli Birləşmiş Şəhər Xəstəxanası)
	Zirə Sağlamlıq Mərkəzi
Qaradağ
	3 nömrəli Birləşmiş Şəhər Xəstəxanası
	13 nömrəli şəhər poliklinikası
	32 nömrəli şəhər poliklinikası
	41 nömrəli şəhər poliklinikası (9 nömrəli Birləşmiş Şəhər Xəstəxanası)
Pirallahı	Pirallahı Tibb Mərkəzi