Deputatlığa namizəd Günay Ağamalı 21 avqust 2024-cü ildə Salyan rayonunda şəhid Kamran Quliyevin ailəsini ziyarət etdi, onun valideynləri ilə görüşdü.

Səmimi keçən görüşdə şəhidin qısa və şərəfli ömür yolundan, uşaqlığından, 44 günlük Vətən müharibəsindəki qəhrəmanlıqlarından danışıldı.

Şəhidlərimizin  qürur, and yerimiz olduğunu deyən Günay Ağamalı şəhid ailələri ilə bütün görüşlərinin ona böyük fəxarət hissi yaşatdığını söylədi. O, 44 günlük Qarabağ müharibəsində Tovuz uğrunda gedən döyüşlərdə şücaətlə döyüşmüş və Füzuli istiqamətində gedən döyüşlərdə 28 yaşında Şəhadətə ucalan Kamran Quliyevin qəhrəmanlıqarından, Vətən sevgisindən söz açdı. Qeyd etdi ki, xalqımız Kamran kimi qəhrəman oğullarımızı, şəhidlərimizi hec zaman unutmayacaq, onların igidliyi, şücaəti gələcək nəsillər üçün örnəkdir.
G.Ağamalı dövlətimiz tərəfindən şəhid və qazi ailələrinə göstərilən diqqət və qayğıdan da danışdı. 

Şəhid Kamran Quliyevin anası Arzu Quliyeva və atası Dadaş Quliyev Günay Ağamalıya sentyabrın 1-də Milli Məclisə keçiriləcək növbədənkənar seçkilərdə uğurlar arzuladılar, ona öz xeyir-dualarını verdilər.

21 Avqust 2024-cü il