Salyan Rayon Mərkəzi Xəstəxanasında ilk dəfə olaraq lazerlə əməliyyat icra edilib. 

Belə ki, bir neçə ildir Pilonidal sinusdan (tükdönmə və ya dermoid sist) əziyyət çəkən 1985-ci il təvəllüdlü F.Abbasova xəstəxanaya daxil olduqdan sonra Pilonidal sinusun lazerlə ləğv edilməsi əməliyyatı ümumi cərrah, tibb üzrə fəlsəfə doktoru, dosent Günay Əliyeva tərəfindən icra olunub. 

İki dəfə açıq əməliyyat keçirən xəstə lazer əməliyatından razı qalıb.  Əməliyyatdan bir neçə saat sonra xəstə kafi vəziyyətdə evə yazılıb. 

Lazer əməliyyatları kəsiksiz, qansız, tikişsiz və ağrısız olur, xəstə tez bərpa olunaraq gündəlik həyatına qayıdır.  Sevindirici haldır ki, tibbdə  ən yeni texnologiyaların tətbiqi ilə icra olunan bu tip əməliyyatlar artıq bölgələrdə də əlçatandır.