Göygöl Rayon İcra Hakimiyyətinin başçısı Elvin Paşayev Üçtəpə kəndində səyyar görüş keçirib

Üçtəpə kənd tam orta məktəbin akt zalında keçirilən səyyar görüşdə Rayon İcra Hakimiyyəti başçısı Aparatının məsul şəxsləri, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak ediblər. 
Göygöl Rayon İcra Hakimiyyətinin başçısı Elvin Paşayev keçirilən səyyar görüşlərin ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini, məhz bu uğurlu siyasətin ölkəmizin bütün istiqamətlər üzrə mühüm nailiyyətlər əldə etməsinə şərait yaratdığını vurğulayıb, eyni zamanda Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd edib və https://rih.gov.az/  platformasından istifadə etmələrini tövsiyə edib. 
Səyyar görüş zamanı bir qrup kənd sakinini dinləyən İcra Hakimiyyətinin başçısı mövcud problemlərin həlli, o cümlədən  “dərəkənd” adlanan ərazidə elektrik naqillərinin və dayaqlarının yenilənməsi, kənddaxili yolların təmir olunması, Şəmkir-Gəncə magistral su kəmərindən kəndə içməli suyun verilməsi, mərkəzi küçənin işıqlandırılması, kəndin yuxarı hissəsində subartezian quyusunun vurulması, kəndin girişində yeni salınmış parkın suvarma suyu ilə təmin edilməsi, vətəndaşın övladının müalicə olunmasına köməklik göstərilməsi və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.