Salyan rayon İcra hakimiyyətinin başçısı kənd təsərrufatında əkin sahələrinin  suvarma suyu ilə təmin edilməsi məqsədi ilə müvafiq qurumların məsul şəxsləri ilə birgə səmərəli fəaliyyət istiqamətində ərazilərdə yerləşən nasos stansiyalarına baxış keçirmişdir.

Ərazilərdə kənd sakinləri və fermerlərlə müzakirələr aparılmışdır. Rayon rəhbərinin tövsiyəsi ilə rayonda fəaliyyət göstərən Sudan İstifadəedənlər Birliklərilə su təminatının idarə edilməsi, fermerlərin suvarma suyu ilə təminatının daha da yaxşılaşdırılması və sudan səmərəli istifadə edilməsi məqsədi ilə görüş keçirilmişdir.