Türkiyəli nazir Şuşaya səfər edəcək - FOTO

Azərbaycanda səfərdə olan Türkiyənin ailə və sosial xidmətlər naziri Derya Yanıkın rəhbərlik etdiyi nümayəndə heyəti Fəxri Xiyabanı və Şəhidlər Xiyabanını ziyarət edib. Kanal4.az  xəbər verir ki, ziyarət çərçivəsində Heydər Əliyevin abidəsi önünə gül qoyulub, daha sonra qonaqlar "Əbədi məşəl" abidəsi və Türk Şəhidliyini ziyarət ediblər. Ziyarətdə Türkiyənin Azərbaycandakı səfiri Cahit Bağcı da iştirak edib. Ziyarətdən sonra jurnalistlərə açıqlama verən türkiyəli nazir deyib ki, bu gün və sabah Bakıda görüşləri olacaq, sonra isə Şuşaya səfər edəcəklər: “Azərbaycanla münasibətlərimizi bütün sahələrdə genişləndirəcək və inkişaf etdirəcəyik. Şuşanın azad edilməsi burada necə qarşılanmışdısa, Türkiyədə də elə sevinclə qarşılandı. Gözəl ziyarət olacağına ümid edirəm. Azərbaycan və Türkiyənin əməkdaşlığını, dostluğunu, qardaşlığını bütün sahələrdə inkişaf etdirərək şəhidlərimizin əziz xatirəsinə layiq işlər görməyə çalışacağıq”. Bakıdakı "Türk Şəhidliyi" abidəsinin qarşısında çıxış edən nazir deyib ki, Azərbaycanda şəhid olan əsgərlər Türkiyə və Azərbaycan arasındakı güclü qardaşlıq əlaqələrinin heç vaxt sarsılmayacağının sübutudur. O bildirib ki, bu gün Türkiyə-Azərbaycan qardaşlığı və dostluğu bütün dünyaya örnəkdir: "Türkiyə həmişə qardaş Azərbaycanın yanında olacaq və hər mövzuda tərəddüdsüz dəstəyini göstərməyə davam edəcək”. Qeyd edək ki, Türkiyənin ailə və sosial xidmətlər naziri Derya Yanıkın rəhbərlik etdiyi nümayəndə heyəti iyulun 19-21-də Azərbaycanda rəsmi səfərdə olacaq. Səfər çərçivəsində Ailə, Qadın və Uşaq Problemləri üzrə Dövlət Komitəsinin sədri Bahar Muradova ilə görüş nəzərdə tutulub. Görüşdə əməkdaşlıq istiqamətləri, birgə layihələr müzakirə ediləcək. Zaqatala Dövlət Təbiət Qoruğunda nəcib maralların sayı artıb Azərbaycanda COVID-19 əleyhinə peyvənd olunanların sayı açıqlanıb Zorakılıqla üzləşən qadın və uşaqları sığınacağa yerləşdirilib