image image

Dörd oğlu Vətən Müharibəsində döyüşmüş ana: “Məğlub xalq” ifadəsini üzərimizdən götürdük”

image

 

 

Sentyabrın 27-dən başlayaraq 44 gün davam edən Vətən Müharibəsində rəşadət göstərərək, düşmən üzərində qazandığımız parlaq qələbədə Yardımlı rayonunun da payı az deyil. Müzəffər Ordumuzun sıralarında xidmət edən igid oğullar döyüş meydanında işğalçı ermənilərə sarsıdıcı zərbələr endirdilər.

Rayonda elə ailələr var idi ki, onların 3-4 övladı eyni anda cəbhədə vuruşurdu. Bu gün döyüşlərdə qəhrəmancasına vuruşan hərbçilərimizin ailələri öz sevinclərini qürurla ifadə edirlər. Yardımlıda dörd oğlu cəbhədə döyüşən qəhrəman Cəfərovlar ailəsi kimi.

AZƏRTAC xəbər verir ki, ucqar dağ rayonu olan Yardımlının Ərus kəndində Özüxan Cəfərovun ailəsində dünyaya göz açan Aqil, Rasif, Asif və Turab qardaşlarının hər biri zabitdir və müharibənin ən şiddətli dövrlərində cəbhənin müxtəlif istiqamətlərində döyüş tapşırıqlarını qəhrəmancasına yerinə yetiriblər.

Müharibə sözü qulağa nə qədər qorxulu gəlsə də, Cəfərovlar ailəsi övladlarının dördünün də cəbhədə olmasından narahat deyildilər. Müzəffər Ordumuzun haqq savaşımızda qələbə qazanması üçün dualar edib, hər bir övladı cəbhədə döyüşən ailə kimi başlarını dik tutaraq zəfərə kökləniblər.

Dörd hərbçi atası Özüxan Cəfərov igid oğulları ilə qürur duyduğunu söyləyib:

“Müzəffər Ali Baş Komandanımızı və xalqımızı Şanlı Qələbə münasibətilə təbrik edirəm. Mən fəxr edirəm ki, mənim dörd övladım Vətən uğrunda döyüşlərdə iştirak edib.

Orduda xidmət edən bütün zabit və əsgərləri səmimi qəlbdən təbrik edirəm. Çox fərəh hiss keçirirəm, çünki mənim ölkəmin qətiyyətli və polad iradəli İlham Əliyev kimi Prezidenti var. 30 ildir mənfur ermənilərin zəbt etdiyi torpaqları nəhayət ki, azad etdik və “məğlub xalq” ifadəsini üzərimizdən götürdük”.

Ən böyük fərəh hissini isə döyüşçü anası Səmayə Yaqubova keçirir:

“Vətən üçün dörd pəhləvan yetişdirmişəm. Dörd igid oğul böyütməyin özü də ana üçün bir fəxrdir. Mənim üçün həm çətindir, ağırdır, həm də fərəhlidir. Övladlarımla çox qürur duyuram, Allah canlarını sağ eləsin. Başları uca olsun, ailəmizin başını uca etdilər”.

Bu qəhrəman ailədə dünyaya göz açan hərbçi uşaqları da atalarının cəbhədə düşmənə qan uddurmasından qürur hissi keçirirlər. Onlar odlu-alovlu müharibə dövründə Vətənimiz üçün döyüşən ataları üçün darıxsalar da, hər gün qazanılan zəfərlər bu balaca uşaqlara böyük qələbə sevinci bəxş edirdi.

Hərbçi övladı Yusif Cəfərov deyir ki, atasının hərbçi olması ilə fəxr edir. Qəhrəman atası düşmənləri torpaqlarımızdan iti qovan kimi qovub, bayrağımızı Qarabağda dalğalandırıb.

Ülkər Cəfərova da atası ilə fəxr edir. Deyir ki, Allah bütün hərbçilərimizi qorusun. Onlar bizə Qələbə bəxş etdilər. İnşallah tezliklə sağ-salamat evlərinə qayıtsınlar.





Manşet xəbərləri

BÖLGƏYƏ SÜLH VƏ İNKİŞAF GƏTİRƏN REALLIQLAR

        Cari ilin 12 noyabr tarixindəTürkdilli Dövlətlərin Əməkdaşlıq Şurasının VIII Zirvə Görüşü zamanı...

AZƏRBAYCAN DÖVLƏTÇİLİYİ TARİXİNDƏ DÖNÜŞ NÖQTƏSİ

    Yeni Azərbaycan Partiyası ötən əsrin 80-ci illərinin sonu- 90-cı illərinin əvvəllərində ölkəmizdə meydana çıxan mürəkkəb...

Cəlilabadda 8 Noyabr – Zəfər Günü münasibətilə yürüş və ağaçəkmə aksiyası keçirilib-FOTO

  Noyabrın 8-da Cəlilabad şəhərində keçirilən Zəfər yürüşündə CəlilabadRayon İcra Hakimiyyətinin başçısı Rafiq Cəlilov, hüquq-mühafizə orqanlarının...

TARİXİ HƏQİQƏTLƏRİ TƏHRİF ETMƏK OLMAZ

 Azərbaycan ötən il Vətən müharibəsində qazandığı şanlı Zəfərsayəsində regionun geoiqtisadi və geosiyasi mənzərəsini yenidən dizayn...

İLHAM ƏLİYEV SÜLH ÇAĞIRIŞLARI EDİR

Azərbaycan Respublikasının Prezidenti İlham Əliyev işğaldan azad edilməsininbirinci il dönümündə - 17 oktyabrda Füzuliyə səfər...

QƏLƏBƏYƏ ÜMİDLƏRİN ÇİN OLDUĞU DİYAR

  Prezident İlham Əliyevin   işğaldan azad edilmişFüzuli rayonuna növbəti səfəri uğurlu olub. Ölkə başçısının...

FÜZULİNİN DÜŞMƏNDƏN AZAD EDİLMƏSİ MÖHTƏŞƏM QƏLƏBƏNİ EHTİVA EDƏN HADİSƏDİR

    2020-ci ildə Azərbaycanın şanlı və qəhrəman OrdusununMüzəffər Ali Baş Komandan İlham Əliyevin əmri ilə...

QOŞULMAMA HƏRƏKATININ BEYNƏLXALQ NÜFUZU GETDİKCƏ ARTIR

 Oktyabrın 11-də Serbiyanın paytaxtı Belqradda Qoşulmama Hərəkatının 60illiyinə həsr edilmiş Yüksək Səviyyəli Toplantıda Prezident İlham...

HADRUT ƏMƏLİYYATI QƏLƏBƏMİZDƏ BÖYÜK ROL OYNADI

   Ali Baş Komandan İlham Əliyev Xocavənd rayonuna, Hadrutqəsəbəsinə və Tuğ kəndinə səfər edib. İctimaiyyətin nümayəndələri...

AZAD EDİLMİŞ TORPAQLARA YENİ HƏYAT GƏLİR

  Azərbaycan Respublikasının Prezidenti İlham Əliyev Rusiyanın nüfuzlu“Nasionalnaya oborona” jurnalının baş redaktoru, tanınmış hərbi ekspert...