Son illər Salyan rayonunda təsərrüfatın çox mühüm və gəlirli sahəsi olan arıçılığa maraq xeyli artıb

2020-09-01 13:59:39 580 baxış

Belə ki, ötən il Salyanda 22 arı fermeri var idisə bu il artıq bu rəqəm 28 nəfərə çatıb. Rayonda ötən il ümumilikdə 518 arı ailəsi saxlanılırdı. Bu il isə 748 arı ailəsi mövcuddur. Fermerlər ötən bal mövsümündən yaxşı məhsul əldə ediblər. Bu il də vəziyyət ürəkaçandır. Rayonun Boranıkənd kənd sakini Özcan Əhmədli də onlarla belə arıçılardan biridir. 7 ildir bu sahə ilə məşğul olan fermer Salyanda arı bəsləməyin çətin olduğunu deyir. Səbəb isə ərazinin relyef baxımından düzənlik olmasıdır. Məhz bu səbəbdən Salyanda bəslənən arılar əsasən yonca, qara tikan, böyürtkən, yulğun kolları, şirin biyan köklərindən şirə çəkir. Burada torpağın şoranlı olması da əsas amillərdəndir ki, bu da Salyan arısının balını başqa ballardan fərqləndirir. Əvvəlki illərdə 30 arı ailəsi saxlayan fermer bu sayı indi 70-ə çatdırıb. Bu il may bayından bol məhsul əldə edən fermer satışdan da razı qalıb. Hər yeşikdən 25-30 kq bal götürən fermer balın 1 kiloqramını 20-25 manata satdığını deyir.

Səmil Şahlaroğlu

Kanal4.az