Ümummilli lider Heydər Əliyevin 100 illik yubileyi münasibətilə Mədəniyyət Nazirliyi, Elm və Təhsil Nazirliyi və Heydər Əliyev Mərkəzinin birgə təşkil etdiyi Uşaq İncəsənət Festivalının birinci mərhələsi Biləsuvar Regional Mədəniyyət İdarəsi üzrə də start götürüb.

Aprelin 19-da İdarənin tabeliyindəki 3 müəssisədə keçirilən birinci mərhələdə ilkin olaraq piano ifaçılığı nominasiyası üzrə 33 nəfər qeydiyyatdan keçən uşaq iştirak edib.

Qeyd edək ki, peşəkar və həvəskar kateqoriyaları üzrə keçirilən festivalın birinci mərhələsi aprel-iyun aylarını əhatə edəcək. II mərhələ iyun-avqust aylarında reallaşacaq. Bu mərhələnin qalibləri final mərhələsində iştirak hüququ əldə edəcəklər.