Tacikistan Prezidenti İmomali Rahmon Tacikistan-Əfqanıstan sərhədini gücləndirmək məqsədi ilə ehtiyatda olan 20 min hərbçinin orduya çağırılması barədə sərəncam imzalayıb.

Kanal4.az xəbər verirki Bu barədə dövlət başçısının mətbuat xidməti məlumat yayıb.

Bu arada Rusiya bildirib ki, Tacikistandakı hərbi bazası bu ölkənin Əfqanıstanla sərhədindəki vəziyyətin həll olunmasına yardım etmək üçün lazımi şəkildə təchiz edilib.

Bunu Rusiya xarici işlər nazirinin müavini Andrey Rudenko deyib.

“Hər şey Əfqanıstanın şimalında vəziyyətin necə inkişaf etməsindən asılı olacaq. Bildiyimiz kimi, orada vəziyyət olduqca gərgindir, çünki bəzi mənbələrə görə sərhədin 70 faizi “Taliban”ın nəzarəti altındadır”.

A. Rudenko deyib ki, Rusiyanın Tacikistanda ehtiyac olduğu halda bu ölkəyə yardım üçün lazım olan hər şeylə təchiz olunmuş 201 saylı hərbi bazası yerləşir.

“Əlavə səylər də tələb olunarsa, onlar realaşdırılacaq”, – deyə rusiyalı diplomat bildirib.

Qeyd edək ki,  NATO qüvvələrinin Əfqanıstanı tərk etməsi ilə eyni zamanda hərəkətə keçən Taliban sürətlə ölkəni nəzarətə götürür. Nəticədə, xüsusən Mərkəzi Asiya ölkələri qaçqın və Taliblərin mümkün təxribatları riski ilə qarşılaşıb.

Kanal4.az

Emin Xuduyev.