Xəbər lenti
Zelenski öldürüləndən sonra Ukraynanı kimlərin idarə edəcəyinə dair plan hazırlanıb
2023-08-01 13:06:34
660 baxış
Ukrayna Prezidenti Volodimir Zelenski öldürüləcəyi təqdirdə Ukraynanı gözləyən ssenari ilə bağlı plan hazırlanıb.
Bu barədə ABŞ-ın nüfuzlu “Politico” nəşri yazıb.
Bildirilib ki, Ukrayna rəsmiləri bu barədə açıq danışmaqdan imtina etsələr də, artıq konkret ssenari var: “Keçən il ABŞ-ın dövlət katibi Antoni Blinken müsahibəsində “hökumətin davamlılığı ilə bağlı ukraynalıların planları var” deyərkən əslində buna işarə etmişdi”.
Müəllif qeyd edib ki, prezidentə mümkün sui-qəsd məsələsi nə Ukraynada, nə də Qərbdə diqqətdən kənarda qala bilər: “Volodimir Zelenski, sadəcə olaraq, dövlətin formal lideri deyil. O, Rusiyaya qarşı mübarizəyə beynəlxalq dəstəyin cəlb edilməsində şəxsən əsas rol oynayır. Genişmiqyaslı müharibənin əvvəlində Rusiya tərəfi Zelenskini aradan götürmək üçün bir neçə dəfə cəhd edib. Rusiyanın radikal deputatları və hərbi jurnalistlər hələ də müntəzəm olaraq Zelenskini öldürməyi tələb edirlər”.
Nəşrin yazdığına görə, məhz ehtimal edilən təhlükələrə görə, Zelenskinin xarici səfərləri son dərəcə məxfiliklə hazırlanır: “Bu ilin fevralında onun Brüsselə səfəri üç gün əvvəldən açıqlandı. Bu isə dövlət başçısı üçün təhdid yaratdı”.
Bildirilib ki, konstitusiyaya görə, prezident öz vəzifələrini icra edə bilməyəndə onun səlahiyyətləri Ukrayna Ali Radasının sədrinə keçir: “Amma Ali Radanın hazırkı sədri Ruslan Stefançuk əhali arasında o qədər də yüksək etimada malik deyil. Ona görə də Zelenskinin yoxluğunda Stefançuk, Prezident Ofisinin rəhbəri Andrey Yermak, xarici işlər naziri Dmitro Kuleba və müdafiə naziri Oleksiy Reznikov birlikdə dövlətə rəhbərlik edəcək. Valeri Zalujnı isə ordunun baş komandanı postunda qalacaq. Ölkədə ciddi həmrəylik və milli birlik var. Ona görə də Zelenskinin yoxluğunun nəticəsi fəlakətli olmayacaq. Avtokratların öldürülməsi ölkənin təsisatlarında əhəmiyyətli dəyişikliklərə səbəb olur, lakin demokratların öldürülməsi elə deyil”.
Xatırladaq ki, ABŞ-ın bir sıra analitiklərinin fikrincə, indiyədək Zelenskiyə qarşı ən azı 12 sui-qəsd cəhdi olub. Ukrayna Prezident Ofisinin müşaviri Mixaylo Podolyak isə bildirib ki, müharibənin ilk həftələrində Zelenskiyə qarşı ən azı 10 sui-qəsd cəhdi olub.
Ukrayna Müdafiə və Təhlükəsizlik Şurasının katibi Oleksiy Danilov isə söyləyib ki, Zelenski təhlükəsizlik orqanlarının onun həyatına sui-qəsd xəbərdarlıqlarından artıq təngə gəlib.
Oxşar xəbərlər
Xəbər lenti
Günay Ağamalı: “Azərbaycan Mərkəzi Asiya ilə Avropa arasında etibarlı tərəfdaşa çevrilib”
Güclü Azərbaycan naminə
İqtisadi potensial və böyük quruculuq
Strateji hədəflərin dolğun ifadəsi
Asiya və Avropanı Birləşdirən Yeni Qlobal Güc Mərkəzi
Cəbrayılın bugünkü mənzərəsi iki dövr arasındakı böyük fərqin ifadəsidir - RƏY
Bakı və Mərkəzi Asiyanın Sarsılmaz Strateji Güc Son illərdə Azərbaycanın xarici siyasətində Mərkəzi Asiya regionu ilə əlaqələrin genişləndirilməsi xüsusi prioritet istiqamətə çevrilmişdir.
Günay Ağamalı: 44 günlük Vətən müharibəsi milli iradəmizin və birliyimizin ən parlaq təcəssümüdür – MÜSAHİBƏ
YAP-ın VIII Qurultayı- Gələcəyə İşıq Salan Siyasi Hadisə
Xarici siyasətlə bağlı addımlarımız dünyada böyük təqdirlə qarşılanır
Müəllim – gələcəyə işıq saçan insan!
"3 Oktyabr müstəqil Azərbaycanın dövlətçilik tarixində mühüm dönüş nöqtəsidir"
“Milli İradədən Tarixi Zəfərə, Zəfərdən Böyük Gələcəyə!”
Bu gün Azərbaycan xalqı təhlükəsizlik, əmin-amanlıq şəraitində yaşayır
Milli birlik və qətiyyət tarixi Zəfərlərimizin əsas dayağıdır
Müstəqil siyasət və milli ideoloji təhlükəsizlik
Yeni Azərbaycan Partiyasının VIII Qurultayı yeni mərhələnin başlanğıcını müəyyənləşdirir
Cəbrayılın qürur səhifəsi
Qələbələrimizin siyasi təməli
Günay Ağamalı: "Otuz ildə viran qoyulan torpaqlarımız cənnətə çevrilir"
Bakı ilə Yeni Dehli arasında “buzlar əriyir”-REAKSİYA
Bakıda Cənubi Qafqazın yeni reallığı bir daha elan olundu
Cəbrayılın azad edilməsi Zəfər yolumuzun mühüm mərhələsi oldu
Cəbrayıl yeni inkişaf dövrünü yaşayır
27 ildən sonra işğaldan azad edilmiş Cəbrayıl
Cəbrayılın qürur səhifəsi
Müdafiə sənayesində ŞOK SIÇRAYIŞ - Azərbaycan 1,8 milyard avroluq istehsala hazırlaşır
Ümummilli Liderin dəyişməz siyasi kursu
Azərbaycanın inkişaf yoluna ömrünü həsr edən Ulu Öndər
Dövlətçilik tariximizin Heydər Əliyev səhifəsi