Böyük Qayıdışımızın ilk qədəmləri mübarək olsun

Möhtərəm, Cənab Ali Baş Komandan İlham Əliyevin yüksək təşkilatçılıq keyfiyyətləri, qətiyyəti, sarsılmaz iradəsi və Ordumuzun qəhrəmanlığı nəticəsində qürur mənbəyimiz olan 44 Günlük Dəmir Yumruq Əməliyyatı 30 illik torpaq həsrətimizə son qoydu. Qəlbi vətən eşqi ilə döyünən, qocalı - cavanlı soydaşlarımız Zəngilanda artıq bu gün öz doğma yurdlarına qovuşdular. Hər bir insan üçün doğulub - böyüdüyü, yaşadığı yurda qovuşmaqdan başqa böyük xöşbəxtlik və səadət yoxdur. Bu Böyük Qayıdış Möhtərəm, Cənab Prezidentin iradəsi ilə davamlı olacaq və əminəm ki, yaxın illərdə erməni vandalları tərəfindən yerlə - yeksan edilən yurdumuz bir daha özünün doğma insanlarını ağuşuna alacaq və həmin ərazimiz Azərbaycanın ən inkişaf etmiş regionlarından birinə çevriləcəkdir. 

Böyük Qayıdışınız mübarək əziz soydaşlar! Bu Böyük Qayıdışın davamını Qədim Azərbaycan torpaqları olan Qərbi Zəngəzurada da görmək taleyini Uca Tanrı taleyimizə qismət etsin! Amin!

Ana Vətən Partiyasının Qadınlar Şurasının sədri Günay Ağamalı.