image image

Qarabağ intibah dövürünü yaşayır

image

 

Azərbaycanın işğaldan azad edilmiş ərazilərdə həyata keçirdiyi yenidənqurma işləri bütün dünyanın diqqət mərkəzindədir. Qarabağımızın yenidən dirçəlişi, intibah dövrünü yaşaması hər bir Azərbaycan vətəndaşını qürurlandırır. Hazırda işğaldan azad edilmiş ərazilərdə müasir şəhər planlaşdırılması istiqamətində nümunə göstəriləcək quruculuq işləri görülür. Yenidənqurma prosesində ölkəmizin hədəfi keyfiyyət və sürəti birləşdirməkdir.
Təsadüfü deyil ki, 27 iyun tarixində Ümumdünya Şəhər Forumunun “Daha yaxşı gələcək naminə şəhərlərimizi dəyişdirək” adlı 11-ci sessiyasında çıxışı zamanı Prezident İlham Əliyev Azərbaycanın öz ərazilərini Ermənistanın 30 illik işğalından azad etməsi ilə nəticələnən Vətən müharibəsindən sonra dayanıqlı şəhər inkişafının daha böyük dəyər kəsb etdiyini xüsusi vurğulayıb.
Ölkə başçımız sessiya iştirakçılarının diqqətinə çatdırdı ki, imzalanacaq sülh müqaviləsi bölgəni sülh və əməkdaşlıq regionuna çevirə bilər. Ermənistanın 30 illik işğalına baxmayaraq, Azərbaycan müharibə səhifəsini çevirmək, münasibətləri normallaşdırmaq və bir-birinin suverenliyinin və ərazi bütövlüyünün qarşılıqlı tanınması prinsipi əsasında Ermənistanla sülh müqaviləsi imzalamaq istəyindədir. 
Azərbaycan xalqı bütün istiqamətlərdə olduğu kimi azad edilmiş ərazilərdə yenidənqurma sahəsində də Cənab Prezident İlham Əliyevlə həmrəylik nümayiş etdirirək verilən qərarları alqışla qarşılayır. Amma bu sahədə beynəlxalq dəstək də mühüm əhəmiyyətə malikdir. Bu, Azərbaycanın öz nəcib fəaliyyətində tək olmadığı ilə bağlı inamı gücləndirəcək. Artıq Birləşmiş Millətlər Təşkilatı, Dünya Bankı və Avropa İttifaqı ilə birlikdə işğaldan azad olunan üç rayonumuzda bərpa və yenidənqurma ehtiyaclarının birgə dəyərləndirilməsi həyata keçirilib. Bu istiqamətdə daha çox beynəlxalq təşkilatların dəstəyini almaq üçün səylər davam etdirilir. 
Ermənistan Azərbaycan torpaqlarının 30 illik işğalı zamanı 9 şəhəri və yüzlərlə kəndi yer üzündən silinib. Ağdam şəhəri o dərəcədə dağıdılıb ki, əcnəbi mütəxəssislər onu “Qafqazın Hiroşiması” adlandırıblar. Füzuli şəhəri işğaldan azad edildikdən sonra Azərbaycan Ordusu orada bayrağımızı dalğalandırmağa bir dənə də olsun tikili tapa bilməyib.
Azərbaycan bu gün öz əzəli torpaqlarına yeni nəfəs vermək, ermənilərin viran qoyduğu kənd və şəhərlərimizi bərpa etmək üçün tam qüvvəsini səfərbər edib.
Bu şərəfli missiya o qədər asan olmasa da yenidənqurma sahəsində qısa müddətdə görülən işlər gələcəyə inamı artırır. Azad edilmiş ərazilərdə Prezident İlham Əliyevin birbaşa nəzarəti ilə həyata keçirilən tikinti, quruculuq işləri artıq öz bəhrəsini verməkdədir. Görülən işlərin miqyası və sürəti beynəlxalq mütəxəssislər tərəfindən çox yüksək qiymətləndirilir.
Qarabağ indi intibah dövrünü yaşayır. Vətənimizin bu dilbər guşəsi yenidən əvvəlki görkəminə qayıdacaq və dahada da gözəlləşəcək.  Azərbaycan xalqının birliyi, Müzəffər Ali Baş komandanın ətrafında sıx birləşməsi düşmənlərimizin 30 il ərzində Qarabağa vurduğu yaralara məlhəm olacaq. Biz Şuşaya, Qarabağa həmişəlik qayıtmışıq! Qarabağ azərbaycandır!


Ramilə Seyidova- Siyəzən Rayon Mərkəzi Kitabxanasının şöbə müdiri



Manşet xəbərləri

BÖLGƏYƏ SÜLH VƏ İNKİŞAF GƏTİRƏN REALLIQLAR

        Cari ilin 12 noyabr tarixindəTürkdilli Dövlətlərin Əməkdaşlıq Şurasının VIII Zirvə Görüşü zamanı...

AZƏRBAYCAN DÖVLƏTÇİLİYİ TARİXİNDƏ DÖNÜŞ NÖQTƏSİ

    Yeni Azərbaycan Partiyası ötən əsrin 80-ci illərinin sonu- 90-cı illərinin əvvəllərində ölkəmizdə meydana çıxan mürəkkəb...

Cəlilabadda 8 Noyabr – Zəfər Günü münasibətilə yürüş və ağaçəkmə aksiyası keçirilib-FOTO

  Noyabrın 8-da Cəlilabad şəhərində keçirilən Zəfər yürüşündə CəlilabadRayon İcra Hakimiyyətinin başçısı Rafiq Cəlilov, hüquq-mühafizə orqanlarının...

TARİXİ HƏQİQƏTLƏRİ TƏHRİF ETMƏK OLMAZ

 Azərbaycan ötən il Vətən müharibəsində qazandığı şanlı Zəfərsayəsində regionun geoiqtisadi və geosiyasi mənzərəsini yenidən dizayn...

İLHAM ƏLİYEV SÜLH ÇAĞIRIŞLARI EDİR

Azərbaycan Respublikasının Prezidenti İlham Əliyev işğaldan azad edilməsininbirinci il dönümündə - 17 oktyabrda Füzuliyə səfər...

QƏLƏBƏYƏ ÜMİDLƏRİN ÇİN OLDUĞU DİYAR

  Prezident İlham Əliyevin   işğaldan azad edilmişFüzuli rayonuna növbəti səfəri uğurlu olub. Ölkə başçısının...

FÜZULİNİN DÜŞMƏNDƏN AZAD EDİLMƏSİ MÖHTƏŞƏM QƏLƏBƏNİ EHTİVA EDƏN HADİSƏDİR

    2020-ci ildə Azərbaycanın şanlı və qəhrəman OrdusununMüzəffər Ali Baş Komandan İlham Əliyevin əmri ilə...

QOŞULMAMA HƏRƏKATININ BEYNƏLXALQ NÜFUZU GETDİKCƏ ARTIR

 Oktyabrın 11-də Serbiyanın paytaxtı Belqradda Qoşulmama Hərəkatının 60illiyinə həsr edilmiş Yüksək Səviyyəli Toplantıda Prezident İlham...

HADRUT ƏMƏLİYYATI QƏLƏBƏMİZDƏ BÖYÜK ROL OYNADI

   Ali Baş Komandan İlham Əliyev Xocavənd rayonuna, Hadrutqəsəbəsinə və Tuğ kəndinə səfər edib. İctimaiyyətin nümayəndələri...

AZAD EDİLMİŞ TORPAQLARA YENİ HƏYAT GƏLİR

  Azərbaycan Respublikasının Prezidenti İlham Əliyev Rusiyanın nüfuzlu“Nasionalnaya oborona” jurnalının baş redaktoru, tanınmış hərbi ekspert...