image image

Fəzail Ağamalı: “Heydər Əliyevin milli dövlət quruculuğunda misilsiz xidmətləri var”

image

 

“Ümummilli lider Heydər Əliyevin müstəqil Azərbaycan dövlətinin qorunub saxlanması, milli dövlət quruculuğu və ölkəmizin inkişafında misilsiz xidmətləri var”.

Bunu APA-ya açıqlamasında Milli Məclisin deputatı, Ana Vətən Partiyasının sədri Fəzail Ağamalı bildirib.

Fəzail Ağamalı deyib ki, məhz o vaxtkı SSRİ prezidenti Mixail Qorbaçovun və erməni mafiyasının planı əsasında 1987-ci ildə Ulu öndər Heydər Əliyevin SSRİ rəhbərliyindən uzaqlaşdırılmasından sonra Azərbaycana qarşı kampaniya başlanıb: “Beləliklə, 20 Yanvar, Sumqayıt hadisələri və Xocalı soyqırımı törədilib. Bu, dünya erməniliyinin son 200 ildə tərtib etdiyi “Böyük Ermənistan” ideyasının addım-addım reallaşdırılması idi. Heydər Əliyevin mərkəzi hakimiyyətdən uzaqlaşdırılması bu planın həyata keçirilməsinə yol açdı. 1990-cı ilin əvvəllərində Azərbaycanda o vaxtkı hakimiyyətin yarıtmaz siyasəti nəticəsində separatçılıq, özbaşınalıq, anarxiya və xaos başladı. Torpaqlarımız işğal edildi, Azərbaycan daxili qarşıdurmalar arenasına çevrildi”.

Deputat qeyd edib ki, bütün bunlara baxmayaraq, dünya erməniliyi yanıldı, öz məqsədlərinə çata bilmədi: “Bunun əsas səbəbi Heydər Əliyevin xalqın tələbi ilə yenidən hakimiyyətə qayıtması və Azərbaycan dövlətini dağılmaqdan xilas etməsi oldu. Azərbaycanın bütün faciə və təlatümlərdən üzüağ çıxması, dövlətçiliyimizin qorunub saxlanması və inkişafının əsas səbəbi tarixin həlledici məqamında ölkədə Heydər Əliyev kimi siyasi liderin olması, Azərbaycan xalqının ona dərin inamı, böyük etimadının olması və arxasınca getməsi oldu. Heydər Əliyev müharibəni dayandırdı. Milli dövlət quruculuğu, ölkədə ictimai-siyasi sabitlik, sosial-iqtisadi inkişaf strategiyasının uğurla reallaşdırılması, institusional islahatların həyata keçirilməsi və müasir cəmiyyət quruculuğu, Azərbaycanın beynəlxalq münasibətlər sisteminə inteqrasiyası, Azərbaycançılıq ideologiyasına əsaslanan milli birlik və həmrəylik təmin edildi. “Əsrin kontraktı” imzalandı, dünyanın aparıcı enerji şirkətləri Xəzər dənizinin Azərbaycan sektoruna cəlb edildi. Ölkəyə investisiya axını başladı, nəhəng enerji layihələri icra olundu, gələcək inkişaf üçün lazımi resurslar əldə edildi. 1993-2003-cü illər Azərbaycanda milli dövlətçiliyin qorunub saxlanması və davamlı müasir inkişafının başlandığı mühüm mərhələ oldu”.

Fəzail Ağamalı Prezident İlham Əliyevin Heydər Əliyevin siyasi kursunun layiqli davamçısı olduğunu vurğulayıb: “2003-cü ildən başlayaraq Ulu öndərin yaratdığı təməl üzərində Prezident İlham Əliyev tərəfindən ölkənin sosial-iqtisadi, mədəni və digər sahələrdə inkişafı təmin edildi. Mühüm enerji layihələri reallaşdırıldı, regionların sosial-iqtisadi inkişafı, sosial-iqtisadi infrastrukturun yenidən qurulması təmin edildi. Azərbaycan regionun nəqliyyat-kommunikasiya xabına çevrildi, uğurlu ordu quruculuğu həyata keçirildi. Milli maraqlara əsaslanan müstəqil siyasət yürüdən Azərbaycanın beynəlxalq aləmdə mövqeləri daha da gücləndi. Ümumilikdə, Azərbaycanın inkişaf strategiyası uğurla reallaşdırıldı. 2020-ci ilin 44 günlük Vətən müharibəsində qazanılmış tarixi Zəfər və ərazi bütövlüyümüzün təmin olunması mahiyyət etibarilə Ümummilli lider Heydər Əliyevin müəyyən etdiyi və Prezident İlham Əliyevin daha da təkmilləşdirərək müasirləşdirdiyi, inamla həyata keçirdiyi milli dövlətçilik strategiyasının ən böyük təntənəsi oldu”.



Manşet xəbərləri

BÖLGƏYƏ SÜLH VƏ İNKİŞAF GƏTİRƏN REALLIQLAR

        Cari ilin 12 noyabr tarixindəTürkdilli Dövlətlərin Əməkdaşlıq Şurasının VIII Zirvə Görüşü zamanı...

AZƏRBAYCAN DÖVLƏTÇİLİYİ TARİXİNDƏ DÖNÜŞ NÖQTƏSİ

    Yeni Azərbaycan Partiyası ötən əsrin 80-ci illərinin sonu- 90-cı illərinin əvvəllərində ölkəmizdə meydana çıxan mürəkkəb...

Cəlilabadda 8 Noyabr – Zəfər Günü münasibətilə yürüş və ağaçəkmə aksiyası keçirilib-FOTO

  Noyabrın 8-da Cəlilabad şəhərində keçirilən Zəfər yürüşündə CəlilabadRayon İcra Hakimiyyətinin başçısı Rafiq Cəlilov, hüquq-mühafizə orqanlarının...

TARİXİ HƏQİQƏTLƏRİ TƏHRİF ETMƏK OLMAZ

 Azərbaycan ötən il Vətən müharibəsində qazandığı şanlı Zəfərsayəsində regionun geoiqtisadi və geosiyasi mənzərəsini yenidən dizayn...

İLHAM ƏLİYEV SÜLH ÇAĞIRIŞLARI EDİR

Azərbaycan Respublikasının Prezidenti İlham Əliyev işğaldan azad edilməsininbirinci il dönümündə - 17 oktyabrda Füzuliyə səfər...

QƏLƏBƏYƏ ÜMİDLƏRİN ÇİN OLDUĞU DİYAR

  Prezident İlham Əliyevin   işğaldan azad edilmişFüzuli rayonuna növbəti səfəri uğurlu olub. Ölkə başçısının...

FÜZULİNİN DÜŞMƏNDƏN AZAD EDİLMƏSİ MÖHTƏŞƏM QƏLƏBƏNİ EHTİVA EDƏN HADİSƏDİR

    2020-ci ildə Azərbaycanın şanlı və qəhrəman OrdusununMüzəffər Ali Baş Komandan İlham Əliyevin əmri ilə...

QOŞULMAMA HƏRƏKATININ BEYNƏLXALQ NÜFUZU GETDİKCƏ ARTIR

 Oktyabrın 11-də Serbiyanın paytaxtı Belqradda Qoşulmama Hərəkatının 60illiyinə həsr edilmiş Yüksək Səviyyəli Toplantıda Prezident İlham...

HADRUT ƏMƏLİYYATI QƏLƏBƏMİZDƏ BÖYÜK ROL OYNADI

   Ali Baş Komandan İlham Əliyev Xocavənd rayonuna, Hadrutqəsəbəsinə və Tuğ kəndinə səfər edib. İctimaiyyətin nümayəndələri...

AZAD EDİLMİŞ TORPAQLARA YENİ HƏYAT GƏLİR

  Azərbaycan Respublikasının Prezidenti İlham Əliyev Rusiyanın nüfuzlu“Nasionalnaya oborona” jurnalının baş redaktoru, tanınmış hərbi ekspert...