SOCAR-da yüksək vəzifəyə daha bir təyinat - Dosye

SOCAR-da yüksək posta daha bir təyinat olub. Bununla bağlı SOCAR-ın 1-ci vitse prezidenti, prezident vəzifəsini müvəqqəti icra edən Rövşən Nəcəf əmr imzlayıb. Belə ki, SOCAR-ın Baş ofisinin Neft və qaz əməliyyatlarına nəzarət Departamentinin rəisi Racu Vəliyev SOCAR-ın vitse-prezidentinin müavini təyin edilib.

Kanal4.az “İki sahil”-ə istinadən  xəbər verir ki, Racu Vəliyev 1979-cu ildə anadan olub. 1996-cı ildə orta məktəbi fərqlənmə attestatı ilə bitərərək Azərbaycan Dövlət Neft Akademiyasına (indiki ADNSU) daxil olub. 2000-ci ildə akademiyanın bakalavr, 2002-ci ildə magistratura təhsil pilləsini fərqlənmə diplomu bitirib. 2010-cu ildə Quyuların qazılması texnolgiyası üzrə dissertasiya müdafiə edərək texnika üzrə fəlsəfə doktoru alimlik dərəcəsi almışdır, 25-dən çox elmi məqalənin müəllifidir, ölkəmizdə və xaricdə bir sıra beynəlxalq elmi konfranslarda müxtəlif tezislərlə çıxış etmişdir.

2001-2015-ci illər ərzində dövlət və özəl neft sektorunda –SOCAR-da, BP-də, Azeri Mİ Drilling Fluids ltd. Azərbaycan Amerika Birgə Müəssisəsində, Bahar Energi Əməliyyat Şirkətində müxtəlif vəzifələrdə,  2015-2018-ci illər ərzində Küveyt Neft Şirkəti (Küveyt Dövlətində), o cümlədən 2018-2022-ci illərdə SOCAR-ın “Azneft” İB-nin qazma departamentinin rəisi, 2019-cu ildən Kompleks Qazma İşləri Trestinin Baş mühəndisi, SOCAR Baş ofisinin qazma şöbəsinin rəisi və Neft və qaz əməliyyatlarına nəzarət Departamentinin rəisi kimi rəhbər vəzifələrdə çalışmışdır.