AZƏRBAYCAN MƏNİM İKİNCİ VƏTƏNİM DEYİL, DOĞMA VƏTƏNİMDİR!

Artıq 30 ildir ki, Azərbaycanda yaşayıram. Bu illər ərzində Azərbaycan mənim üçün sadəcə yaşadığım, çalışdığım və iş qurduğum bir ölkə deyil, doğma Vətənimə çevrilib. Ailəm buradadır, övladlarım bu torpaqda böyüyüb, məktəblərdə və ali təhsil müəssisələrində təhsil alırlar. Dostlarım, doğmalarım, həyatımın ən dəyərli xatirələri Azərbaycanla bağlıdır. Bu gün böyük qürur hissi ilə deyirəm: Mən özümü bu xalqın bir parçası, bir azərbaycanlı hesab edirəm!Azərbaycan hər zaman zəngin tarixi, qədim mədəniyyəti, milli-mənəvi dəyərləri, tolerantlığı və multikulturalizm ənənələri ilə seçilən bir dövlət olub. Burada fərqli millətlərin, dinlərin və mədəniyyətlərin nümayəndələri qarşılıqlı hörmət, sülh və bərabərlik şəraitində yaşayırlar. Azərbaycan öz milli kimliyini və mənəvi irsini qorumaqla yanaşı, dünya xalqlarının mədəniyyətinə də böyük ehtiram nümayiş etdirir.Mən bir iş adamı olaraq Azərbaycanda hər zaman dövlətin diqqətini, dəstəyini və hüquqi təminatını hiss etmişəm. Azərbaycan dövləti öz vətəndaşları ilə yanaşı, burada yaşayan və fəaliyyət göstərən əcnəbilərin də hüquq və azadlıqlarının qorunmasına böyük önəm verir. Bu, bizim üçün yalnız hüquqi təminat deyil, eyni zamanda insana, əməyə və qarşılıqlı etimada verilən yüksək dəyərdir.
Azərbaycanın keçdiyi tarixi yolun, xalqın yaşadığı ağrılı və şərəfli günlərin də şahidi olmuşam. 20 Yanvar faciəsi, Xocalı soyqırımı, 1918-ci ilin mart hadisələri xalqımızın yaddaşında silinməz izlər buraxıb. 44 günlük Vətən müharibəsində isə Azərbaycan xalqının necə böyük birlik, iradə və həmrəylik nümayiş etdirdiyini bütün dünya gördü. Şanlı Zəfərimiz bir daha sübut etdi ki, bu xalqın ən böyük gücü onun birliyindədir!Biz yalnız çətin günlərdə deyil, sevincli günlərimizdə də bir olmuşuq. Novruz bayramında, Yeni ildə, Zəfər Günündə, dövlət bayramlarında, ölkəmizin ev sahibliyi etdiyi mötəbər beynəlxalq tədbirlərdə hər zaman eyni qüruru, eyni sevinci və eyni həmrəyliyi paylaşmışıq.Azərbaycan mənə bir həqiqəti öyrədib: Birlik yalnız eyni torpaqda yaşamaq deyil, eyni dəyərlərə sahib çıxmaq, eyni sevinci bölüşmək, çətin gündə bir-birinin yanında olmaqdır.Bu gün də hər birimizin üzərinə böyük məsuliyyət düşür. Biz milli-mənəvi dəyərlərimizi qorumalı, dövlətimizin inkişafına öz töhfəmizi verməli, birliyimizi və bərabərliyimizi hər şeydən üstün tutmalıyıq.Mən bir türk iş adamı olaraq Azərbaycanla Türkiyə arasındakı sarsılmaz qardaşlıq münasibətlərini də hər zaman böyük qürurla yaşayıram. Ulu Öndər Heydər Əliyevin “Bir millət, iki dövlət” kəlamı mənim üçün yalnız bir ifadə deyil, 30 illik həyatımın, fəaliyyətimin və ailəmin taleyinin ayrılmaz hissəsidir.
Azərbaycan Respublikasının Prezidenti cənab İlham Əliyevin rəhbərliyi ilə ölkəmizin qazandığı uğurlar, iqtisadi inkişafı, beynəlxalq nüfuzunun yüksəlməsi və milli birliyimizin möhkəmlənməsi bizi daha böyük inamla gələcəyə baxmağa ruhlandırır.Mən və ailəm bu torpaqda özümüzü hər zaman doğma evimizdəki kimi hiss etmişik. Bunun üçün Azərbaycan dövlətinə və xalqına sonsuz minnətdarlığımı bildirirəm.Bizim gücümüz birliyimizdə, gələcəyimiz həmrəyliyimizdə, qürurumuz isə Azərbaycandadır!Allah Azərbaycanımızı, dövlətimizi, xalqımızı və birliyimizi qorusun!
Dərin hörmət və ehtiramla,

Özay Göküş
Taşobası MMC-nin rəhbəri