Xəbər lenti
Müharibələr iqlimi necə məhv edir? – Komitə sədrindən çağırış
2026-09-07 23:26:37
48 baxış
Bu gün Bakıda başlanan İqlim Həftəsinin açılış mərasimində Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov çıxış edib.
"AzPolitika" xəbər verir ki, Komitə sədri çıxışında qlobal iqlim dəyişmələrinin təbiəti və miqyası ilə bağlı ciddi mesajlar verib, antropogen amillərin və müharibələrin ekologiyaya dağıdıcı təsirlərini diqqətə çatdırıb.
S.Qurbanov qeyd edib ki, su ehtiyatlarının azalması, meşə yanğınları, daşqınlar və buzlaqların əriməsi kimi proseslər artıq sadəcə elmi proqnoz deyil, gündəlik həyatın reallığına çevrilib. Bu hadisələrin hər birinin ayrı-ayrı təbii səbəbləri olsa da, qlobal miqyasda və uzunmüddətli dinamikada Yerin iqlim sisteminin dəyişdiyi və burada insan fəaliyyətinin yaratdığı antropogen təsirlərin mühüm rol oynadığı açıq görünür.
Komitə sədri son dövrlərdə Himalay dağlarında, Nepalın Çinlə sərhəd yaxınlığında baş verən faciələri bu ağır reallığın tərkib hissəsi kimi qiymətləndirib: "İqlim dəyişmələrinin əsas hərəkətverici qüvvələrindən biri məhz insan fəaliyyətidir. Enerji istehsalı, sənaye, nəqliyyat və torpaqdan istifadədə baş verən dəyişikliklər atmosferdə istixana qazlarını artırır və planetin istilik balansını pozur".
Çıxışda xüsusi olaraq müharibələrin ekoloji yükünə toxunulub. S.Qurbanov bildirib ki, silahlı münaqişələr təkcə insan həyatı və infrastrukturu məhv etmir, həm də atmosferə külli miqdarda əlavə emissiyalar buraxaraq iqlim böhranını daha da dərinləşdirir: "Müharibələr nəticəsində sıradan çıxan ekosistemlərin bərpası onilliklər tələb edir və cəmiyyətlərin iqlim risklərinə qarşı davamlılığını zəiflədir."
İnsanın təbiət proseslərinə müdaxilə miqyasına toxunan deputat Çinin Yantszı çayı üzərindəki "Üç Dərə" (Three Gorges) layihəsini nümunə göstərib. O qeyd edib ki, həmin nəhəng su hövzəsinin yaratdığı kütlə yerdəyişməsi Yer kürəsinin öz oxu ətrafında fırlanmasına təsir edərək sutkanın uzunluğunu təqribən 0,06 mikrosaniyə artırib. Bu isə təbiətə edilən hər böyük müdaxilənin ilkin hesablamalardan qat-qat mürəkkəb nəticələr doğurduğunu göstərir.
Azərbaycanın qlobal ekoloji proseslərdəki fəal roluna diqqət çəkən S.Qurbanov ölkəmizin COP29 və WUF13 kimi mötəbər tədbirlərə ev sahibliyi etdiyini xatırladıb. O, Bakı İqlim Həftəsinin qlobal iqlim gündəliyindəki əhəmiyyətini vurğulayaraq, bu platformanın qardaş Türkiyədə keçiriləcək COP31 ərəfəsində müzakirələrin aktivləşməsinə mühüm töhfə verəcəyinə əminliyini ifadə edib.
Oxşar xəbərlər
Xəbər lenti
Sülh ərəfəsində İrəvandan Bakıya yeni hücum - “İnsan hüquqları” kartının arxasında nələr dayanır?
Deputat:Heydər Əliyev İrsi və Zəfər Tariximiz: Babək Rayon YAP Təşkilatının Konfransı
Müharibələr iqlimi necə məhv edir? – Komitə sədrindən çağırış
Deputat: "Əməkhaqqı artımı səhiyyə sistemimizdə insan kapitalını gücləndirəcək"
Leykemiya ilə mübarizəyə həsr olunan konfrans keçirildi
Azərbaycanın Avrasiya məkanında rolu artmaqdadır
"Yaxşı bir səhiyyə sistemi cəmiyyətin gələcəyinə qoyulan ən böyük sərmayədir."
“Azərbaycanın xarici siyasətinin coğrafiyası davamlı şəkildə genişlənir”
Gözü yolda qalanların ümid ünvanı
"Laçının azadlığa qovuşması tarixi ədalətin və dövlətimizin qüdrətinin təntənəsidir"
Yeni strateji əməkdaşlıq perspektivləri
"Əbədi dostluq haqqında Müqavilə iki qardaş xalqın tarixi bağlarını daha möhkəm əsaslarla təsbit edir" - Günay Ağamalı
Bu gün unudulmaz Atam, Fəzail Ağamalının doğum günüdür...
Azərbaycan–Özbəkistan: iqtisadi əməkdaşlığın genişlənən üfüqləri
Azərbaycan–Özbəkistan: ortaq dəyərlər, ortaq hədəflər
Azərbaycan–Özbəkistan münasibətləri: əbədi dostluğun möhkəm təməli
Laçında yeni həyatın təməli möhkəmlənir
Laçın: işğaldan azadlığa uzanan tarixi yol
Laçın quruculuq və inkişaf məkanına çevrilir
Azərbaycan–Özbəkistan əlaqələrinin mənəvi dayaqları: ortaq tarix və mədəni bağlar
Azərbaycan–Özbəkistan münasibətləri yeni mərhələdə: strateji müttəfiqlik və siyasi həmrəylik
Azərbaycan–Özbəkistan iqtisadi əlaqələri: qarşılıqlı faydaya əsaslanan tərəfdaşlığın yeni üfüqləri
Vətən Sərhəddən Başlayır: Sərhəd Qoşunlarının Şərəfli Yolu
Ortaq dəyərlər üzərində yüksələn MÜTTƏFİQLİK
Azərbaycan–Özbəkistan münasibətləri yeni mərhələdə: strateji müttəfiqlik və siyasi həmrəylik
Bakı görür və hesablayır: İrəvan hansı oyunun içindədir?
Komitə sədri: ” Naxçıvanda komando tipli hərbi birləşmələrin yaradılması regionun müdafiə qabiliyyətinin gücləndirilməsi baxımından mühüm addımdır”
Naxçıvan öz inkişafında yeni dövrə qədəm qoyur
Naxçıvan: nəqliyyat, ticarət və iqtisadi əməkdaşlığın qovşağı
Yeni Nəqliyyat və Enerji Xəritəsinin Mühüm Qovşağı-Naxçıvan