Aqroparkların yaradılması kənd təsərrüfatının inkişafında mühüm rol oynayır

Azərbaycan Respublikasında qeyri-neft sektorunun inkişafı dövlət siyasətinin əsas prioritet istiqamətlərindən biri kimi müəyyən edilmişdir. Bu istiqamətdə kənd təsərrüfatının inkişafı xüsusi əhəmiyyət daşıyır. Çünki kənd təsərrüfatı həm ölkənin ərzaq təhlükəsizliyinin təmin olunmasında, həm regionların sosial-iqtisadi inkişafında, həm də məşğulluğun artırılmasında mühüm rol oynayır. Son illərdə ölkəmizdə aqrar sahənin inkişafı məqsədilə həyata keçirilən məqsədyönlü dövlət proqramları, subsidiyalar, texniki təminatın gücləndirilməsi və müasir idarəetmə üsullarının tətbiqi kənd təsərrüfatında yeni inkişaf mərhələsinin başlanmasına səbəb olmuşdur.
Məhz Prezident İlham Əliyevin rəhbərliyi ilə həyata keçirilən uğurlu aqrar siyasət nəticəsində kənd təsərrüfatı ölkə iqtisadiyyatının aparıcı sahələrindən birinə çevrilmişdir. Dövlət başçısının bölgələrə davamlı səfərləri, fermerlərlə görüşləri, aqrar sahənin problemlərinin yerində araşdırılması və operativ qərarların qəbul edilməsi bu sahəyə göstərilən diqqət və qayğının bariz nümunəsidir. Prezident İlham Əliyev dəfələrlə vurğulamışdır ki, Azərbaycanın dayanıqlı inkişafı üçün qeyri-neft sektorunun, xüsusilə kənd təsərrüfatının inkişafı əsas vəzifələrdən biridir.
Kənd təsərrüfatı məsələlərinə həsr olunmuş müşavirədə də dövlət başçısı aqrar sahənin inkişafı ilə bağlı mühüm məqamlara toxunmuş, əldə olunan uğurlarla yanaşı qarşıda duran vəzifələri də diqqətə çatdırmışdır. Müşavirədə aqroparkların yaradılması və onların kənd təsərrüfatının inkişafındakı rolu xüsusi qeyd edilmişdir. Prezident İlham Əliyev bildirmişdir ki, aqroparkların yaradılması müasir kənd təsərrüfatının formalaşdırılması baxımından mühüm əhəmiyyət daşıyır və bu istiqamətdə həyata keçirilən layihələr artıq öz müsbət nəticələrini verməkdədir.
Bu gün ölkəmizin müxtəlif bölgələrində yaradılmış aqroparklar kənd təsərrüfatında məhsuldarlığın artırılmasına, müasir texnologiyaların tətbiqinə, suvarma sistemlərinin təkmilləşdirilməsinə və yeni iş yerlərinin açılmasına geniş imkanlar yaradır. Aqroparklar ənənəvi təsərrüfat üsullarından fərqli olaraq, innovativ yanaşmaların tətbiq edildiyi, yüksək məhsuldarlığa əsaslanan müasir istehsal mərkəzləridir. Burada ən son texnologiyalar tətbiq edilir, torpaqdan səmərəli istifadə olunur, yüksək keyfiyyətli məhsul istehsalı təmin edilir.
Aqroparkların əsas üstünlüklərindən biri də kənd yerlərində məşğulluğun artırılmasıdır. Bu layihələr sayəsində minlərlə insan daimi işlə təmin olunur, kənd əhalisinin rifahı yüksəlir. Eyni zamanda aqroparklar regionların sosial-iqtisadi inkişafına mühüm töhfə verir, kəndlərdən şəhərlərə miqrasiyanın qarşısının alınmasına xidmət edir. Dövlət tərəfindən yaradılan güzəştli kreditlər, subsidiyalar və digər dəstək mexanizmləri aqroparkların fəaliyyətinin daha da genişlənməsinə şərait yaradır.
Prezident İlham Əliyev müşavirədə qeyd etmişdir ki, kənd təsərrüfatında məhsuldarlığın artırılması üçün müasir yanaşmalar geniş tətbiq olunmalı, innovativ texnologiyalardan istifadə daha da genişləndirilməlidir. Aqroparklar məhz bu məqsədlərə xidmət edən mühüm layihələrdir. Bu layihələr həm daxili bazarın keyfiyyətli məhsullarla təmin edilməsinə, həm də ixrac potensialının artırılmasına böyük töhfə verir.
Bu gün Azərbaycan məhsulları dünyanın müxtəlif ölkələrinə ixrac olunur və “Made in Azerbaijan” brendi beynəlxalq bazarlarda tanınmağa başlayır. Aqroparkların inkişafı isə bu prosesə əlavə təkan verir. Çünki burada istehsal olunan məhsullar yüksək standartlara cavab verir, keyfiyyəti və rəqabət qabiliyyəti ilə seçilir. Xüsusilə meyvəçilik, tərəvəzçilik, pambıqçılıq, heyvandarlıq və digər sahələrdə aqroparkların fəaliyyəti uğurlu nəticələrlə müşayiət olunur.
Kənd təsərrüfatının inkişafı Azərbaycanın iqtisadi gücünün artırılması ilə yanaşı, ölkənin ərzaq təhlükəsizliyinin təmin olunması baxımından da mühüm əhəmiyyət daşıyır. Dünyada baş verən qlobal iqtisadi və iqlim dəyişiklikləri fonunda ərzaq təhlükəsizliyi məsələsi daha актual xarakter alır. Bu baxımdan aqroparkların yaradılması strateji əhəmiyyət daşıyan addımlardan biridir.
Əminliklə demək olar ki, Prezident İlham Əliyevin rəhbərliyi ilə həyata keçirilən uğurlu aqrar siyasət nəticəsində kənd təsərrüfatı bundan sonra da sürətlə inkişaf edəcək, aqroparkların sayı daha da artacaq və bu sahə ölkə iqtisadiyyatının dayanıqlı inkişafında mühüm rol oynamaqda davam edəcəkdir.

Elçin Kazımov,
YAP Salyan rayon təşkilatının gənc YAP fəalı