Xəbər lenti
Günay Ağamalı: “Xaricdə təhsil alan gənclərin qayıdışı milli inkişaf üçün strateji əhəmiyyət daşıyır”
2026-04-07 12:22:01
13778 baxış
Paylaş
Onun sözlərinə görə, bu məsələ dövlət siyasətinin prioritet istiqamətlərindən biridir və ölkənin gələcək inkişaf modelində insan kapitalının gücləndirilməsi əsas rol oynayır.
Milli Məclisin deputatı, Ana Vətən Partiyasının sədri Günay Ağamalı “Tehsil365“ə açıqlamasında gənclərin xaricdə təhsil almasının və əldə etdikləri bilikləri Azərbaycana gətirərək milli inkişaf prosesinə töhfə verməsinin vacibliyini vurğulayıb.
Deputat qeyd edib ki, bu sahədə Prezident İlham Əliyevin həyata keçirdiyi məqsədyönlü və uzaqgörən siyasət xüsusi vurğulanmalıdır: “Dövlət başçımızın təşəbbüsü ilə gənclərin xaricdə təhsil imkanlarının genişləndirilməsi, insan kapitalına yatırımların artırılması və əldə olunan biliklərin ölkə daxilində tətbiqinə yönəlmiş mexanizmlərin formalaşdırılması Azərbaycanın gələcək inkişaf modelinin əsas sütunlarından biridir. Bu siyasət milli maraqlara əsaslanan düşünülmüş strateji yanaşmanın nəticəsidir.”
Onun sözlərinə görə, bu gün dünya resurslar, bilik və texnologiyalar uğrunda rəqabət aparır. Belə şəraitdə Azərbaycanın güclü və dayanıqlı dövlət kimi mövqeyini qoruması üçün savadlı, peşəkar və qlobal təcrübəyə malik kadrların yetişdirilməsi həyati əhəmiyyət daşıyır: “Xaricdə təhsil almış gənclərin ölkəyə qayıdışı insan resurslarının artması, yeni idarəetmə yanaşmalarının, innovativ düşüncənin və müasir texnologiyaların ölkəyə gətirilməsi deməkdir.”
Günay Ağamalı əlavə edib ki, gənclərin qayıdışını stimullaşdıran mexanizmlərin tətbiqi, onların əmək bazarına inteqrasiyası və potensiallarının düzgün istiqamətləndirilməsi ölkənin uzunmüddətli inkişaf strategiyasının ayrılmaz hissəsidir: “Bu yanaşma iqtisadi inkişaf, milli təhlükəsizlik, intellektual suverenlik və dövlətin dayanıqlılığı məsələsidir. Xaricdə təhsil alan hər bir gəncin ölkəyə qayıdaraq milli inkişaf prosesində iştirak etməsi vətəndaşlıq məsuliyyəti, dövlətin yaratdığı imkanların məntiqi nəticəsi kimi qiymətləndirilməlidir.”
Deputat vurğulayıb ki, Azərbaycan yeni inkişaf mərhələsinə qədəm qoyub və bu mərhələdə əsas güc mənbəyi insan kapitalıdır: “Məhz buna görə də bilikli, vətəninə bağlı və məsuliyyətli gənclərin potensialının ölkənin rifahı və gücü naminə səfərbər edilməsi dövlət siyasətinin prioritet istiqamətlərindən biri olaraq qalacaq.”
Oxşar xəbərlər
Xəbər lenti
Salyan rayonunda narkomaniyaya qarşı mübarizəyə dair maarifləndirici tədbir keçirilib.
Bakıdan dünyaya sülh, əməkdaşlıq mesajı
Dövlətimizin qüdrətinin təntənəsini ifadə edən şərəfli gün
Azad Şəhərlərimizdə Qurulan Yeni Həyat
Suverenliyin Təntənəsi: Xankəndi, Xocalı, Xocavənd və Ağdərənin Yeni Dövrü
Xankəndi, Xocalı, Xocavənd və Ağdərənin Böyük Qayıdış Salnaməsi
Xankəndi yeni inkişaf mərhələsinə qədəm qoyur
Ərazi bütövlüyünün bərpası yeni inkişaf mərhələsinin başlanğıcıdır
Xocalı ağrısından Xocalı qüruruna
Türk Dövlətləri Təşkilatının Strateji Yüksəlişi
Türk Dünyasını Birləşdirən Geosiyasi Reallıqlar
Azərbaycanın TDT Sədrliyi və Çoxşaxəli Əməkdaşlıq Strategiyası
Suverenliyimiz milli iradəmizin təntənəsidir
Dövlət suverenliyinin bərpası tarixi nailiyyətdir
Zəfərlə başlayan tarixi mərhələ
Ədalət bərpa olundu
Dövlətçiliyimizin qürur tarixi
Bütöv Azərbaycanın Zəfər Rəmzi- Dövlət Suverenliyi Günü
Tarixi Ədalətin və Dövlət Suverenliyinin Tam Bərpası
Qarabağda tarixi bəyanat: Diplomatların səfəri Azərbaycanın suverenliyinin növbəti təsdiqidir
QƏRBİ AZƏRBAYCANIN İZLƏRİNİ TARİXDƏN SİLMƏK MÜMKÜN DEYİL!
Prezident İlham Əliyevin Siyasi Tapşırığı: “Sülh Tərəfdarıyıq, Amma Beynəlxalq Riyakarlığı Unutmuruq!”
Türk-İslam Birliyi, Beynəlxalq Ədalət və Milli Yaddaşın Sülh Strategiyası
Azərbaycan Türk və İslam Dünyasının Birləşdirici Mərkəzi Kimi
Həmrəylik və sülh naminə atılan addımlar yeni imkanlar yaradır
Günay Ağamalı: "Otuz ildə viran qoyulan torpaqlarımız cənnətə çevrilir"
Ermənistan cəmiyyətinin qəbuledilməz reaksiyası
Səmil Şahlar oğlu yazır:Qərbi Azərbaycanın silinməyən izi: Tarixə müdaxilə etmək mümkün deyil
Tarixi həqiqətlər və quruculuq Azərbaycanın yeni reallıqlarını nümayiş etdirir
İslam həmrəyliyi və mədəni irs birliyimizin mühüm dayaqlarıdır