Xəbər lenti
"Körpələrə milli ad qoymaq dilə hörmətin, kökə bağlılığın ifadəsidir"
2026-01-13 20:43:49
374 baxış
Bildiyimiz kimi ana dilinin saflığının qorunması ölkəmizin əsas prioritetlərindəndir. Dilin saflığının qorunması ilə bağlı millət vəkili Fazil Mustafa təklif edir ki, bundan sonra doğulacaq körpələrə təmiz milli adlarının verilməsi dilin saflığının qorunmasına faydalı olacaq addım olar.
Mövzu ilə bağlı Redaktor.az-a açıqlamasında Milli Məclisin deputatı, Ana Vətən Partiyasının sədr müavini Günay Ağamalı qeyd etdi ki, ana dilinin saflığının qorunması milli kimliyimizin, tarixi yaddaşımızın və mənəvi bütövlüyümüzün qorunması deməkdir.
O, əlavə etdi ki, dil millətin ruhudur və ruhu yaşadan əsas amillərdən biri də adlarımızdır:
"Ad mənsubiyyətin, kökün, dəyərlərin ifadəsidir. Həmkarım Fazil Mustafanın körpələrə milli adların verilməsi ilə bağlı təklifini ümumilikdə müsbət təşəbbüs kimi qiymətləndirirəm. Milli adlarımızın yaşadılması dilimizin zənginliyinin, mədəni irsimizin və tarixi yaddaşımızın gələcək nəsillərə ötürülməsi baxımından çox önəmlidir. Ad seçimi valideynin şəxsi hüququdur və bu məsələdə məcburiyyət yox, maarifləndirmə və təşviq yolu daha doğru olar".
Müsahibimizin fikrincə, dilin saflığının qorunması geniş və sistemli yanaşma tələb edir:
"Ailədə danışıq mədəniyyəti, məktəblərdə ana dilinin yüksək səviyyədə tədrisi, mediada və sosial şəbəkələrdə düzgün və səlis Azərbaycan dilindən istifadə eyni dərəcədə vacibdir. Təbii ki, qloballaşma və sosiallaşma tendensiyası artdıqca ad müxtəlifliyi də paralel olaraq qabarır. Əcnəbi adların, xüsusilə, film personajlarının canlandırdığı obrazlardan götürülən adların çoxaldığının şahidi oluruq. Bu tendensiyanı hər hansı bir çərçivəyə salmaq olduqca çətindir. Ona görə də biz mütləq şəkildə milli kimliyimizi tərənnüm edən adların, obrazların təbliğini genişləndirməliyik".
Millət vəkili qeyd etdi ki, insanlar öz dillərinin, adlarının mənasını, tarixini, gözəlliyini dərindən dərk etdikcə, təbii olaraq milli adlara daha çox üstünlük verəcəklər:
"Milli ad qoymaq dilə hörmətin, kökə bağlılığın, Vətənə sevginin ifadəsidir. Bu, həm də övladımıza verdiyimiz ilk mənəvi mirasdır. Ona görə də hesab edirəm ki, milli adların təşviqi dilin saflığının qorunması yolunda doğru addımlardandır".
Oxşar xəbərlər
Xəbər lenti
301 milyon manatlıq Vejnəli izi: Qarabağın sərvətləri necə talan edildi?
TDT çərçivəsində Azərbaycan–Qazaxıstan əməkdaşlığı yeni imkanlar yaradır
Türk dünyası bizim ailəmizdir
TDT təhlükəsizliyin möhkəmləndirilməsində mühüm platformadır
TDT ümumi etnik köklərə malik ölkələri birləşdirir
Salyan rayonunda narkomaniyaya qarşı mübarizəyə dair maarifləndirici tədbir keçirilib.
Bakıdan dünyaya sülh, əməkdaşlıq mesajı
Dövlətimizin qüdrətinin təntənəsini ifadə edən şərəfli gün
Azad Şəhərlərimizdə Qurulan Yeni Həyat
Suverenliyin Təntənəsi: Xankəndi, Xocalı, Xocavənd və Ağdərənin Yeni Dövrü
Xankəndi, Xocalı, Xocavənd və Ağdərənin Böyük Qayıdış Salnaməsi
Xankəndi yeni inkişaf mərhələsinə qədəm qoyur
Ərazi bütövlüyünün bərpası yeni inkişaf mərhələsinin başlanğıcıdır
Xocalı ağrısından Xocalı qüruruna
Türk Dövlətləri Təşkilatının Strateji Yüksəlişi
Türk Dünyasını Birləşdirən Geosiyasi Reallıqlar
Azərbaycanın TDT Sədrliyi və Çoxşaxəli Əməkdaşlıq Strategiyası
Suverenliyimiz milli iradəmizin təntənəsidir
Dövlət suverenliyinin bərpası tarixi nailiyyətdir
Zəfərlə başlayan tarixi mərhələ
Ədalət bərpa olundu
Dövlətçiliyimizin qürur tarixi
Bütöv Azərbaycanın Zəfər Rəmzi- Dövlət Suverenliyi Günü
Tarixi Ədalətin və Dövlət Suverenliyinin Tam Bərpası
Qarabağda tarixi bəyanat: Diplomatların səfəri Azərbaycanın suverenliyinin növbəti təsdiqidir
QƏRBİ AZƏRBAYCANIN İZLƏRİNİ TARİXDƏN SİLMƏK MÜMKÜN DEYİL!
Prezident İlham Əliyevin Siyasi Tapşırığı: “Sülh Tərəfdarıyıq, Amma Beynəlxalq Riyakarlığı Unutmuruq!”
Türk-İslam Birliyi, Beynəlxalq Ədalət və Milli Yaddaşın Sülh Strategiyası
Azərbaycan Türk və İslam Dünyasının Birləşdirici Mərkəzi Kimi
Həmrəylik və sülh naminə atılan addımlar yeni imkanlar yaradır