Xəbər lenti
“Ailəyə hazırlıq məsələsinə ciddi yanaşmalıyıq”
2026-01-13 15:11:28
150 baxış
“Boşanmaların sayının artması cəmiyyət üçün ciddi siqnaldır. Ailə iki insanın birliyi ilə yanaşı, millətin mənəvi dayağı, uşaqların sağlam psixoloji mühitdə formalaşmasının əsas təminatıdır. Ailədə baş verən hər sarsıntı əslində gələcək nəsillərin taleyinə toxunur. Boşanmaların 50 faizə yaxınlaşması bizi ciddi şəkildə düşündürməlidir”.
Bu fikirləri Milli Məclisin deputatı, Ana Vətən Partiyasının sədr müavini Günay Ağamalı söyləyib.
Deputat mövcud mənfi tendensiyanın kökündə bir sıra səbəblərin dayandığını vurğulayıb: “Bura ailədaxili ünsiyyətin zəifləməsi, məsuliyyət hissinin azalması, sosial şəbəkələrin ailə münasibətlərinə mənfi təsiri, həmçinin ailə institutuna baxışın dəyişməsi prosesə təsir göstərən əsas amillərdəndir. Təəssüf ki, günümüzdə bəzən ailə dəyərləri səbir, anlayış və fədakarlıq üzərində deyil, rahatlıq və fərdi maraqlar üzərində qurulur. Hesab edirəm ki, ilk növbədə ailəyə hazırlıq məsələsinə ciddi yanaşmalıyıq. Gənclər evliliyə psixoloji baxımdan hazır olmalıdırlar. Məktəblərdə və ali təhsil müəssisələrində ailə dəyərləri, ailə məsuliyyəti, valideynlik mədəniyyəti ilə bağlı maarifləndirici proqramlar gücləndirilməlidir”.
G.Ağamalı bildirib ki, gənclər ailə dəyərlərinin bizim genetik kodlarımızdakı yerinin fərqində olmalıdır: “Bu zamana qədər məhz ailə institunun möhkəmləndirilməsi üçün vacib işlər görülmüşdür. Erkən nikahların qarşısının alınması, qohum evliliklərinə tətbiq edilən qadağa məhz sağlam ailə mühitinin formalaşmasına hesablanıb. Eyni zamanda, müxtəlif dövlət proqramları çərçivəsində gənclərin sosial müdafiəsini gücləndirən layihələrin işlənilməsi məhz sağlam gələcəyə doğru atılan strateji qərarlardır. Lakin görünür daha fərqli mexanizmlərdə işlənilməlidir ki, gənclər ailə institutunun mahiyyətini dərindən dərk etsin”.
O həmçinin əlavə edib ki, ikinci mühüm addım ailədaxili problemlərin erkən mərhələdə həllinə yönələn mexanizmlərin genişləndirilməsidir: “Psixoloji dəstək mərkəzlərində ailə məsləhət xidmətləri genişləndirilməlidir. Bəzən düzgün yönləndirmə və dialoq ailəni dağılmaqdan xilas edə bilər. Eyni zamanda, media və ictimai mühit ailə modelini nümunəvi şəkildə təbliğ etməlidir. Sağlam ailə obrazı cəmiyyətdə geniş yer almalı, ailəni qorumaq güc göstəricisi kimi təqdim edilməlidir. Ailə dəyərlərini qorumaq milli kimliyimizi, mənəvi bütövlüyümüzü qorumaq deməkdir. Bu məsələ ətrafında köklü və davamlı müzakirələr hər zaman ön planda olmalıdır”.
Oxşar xəbərlər
Xəbər lenti
Süni intellekt Fəzail Ağamalını belə təsvir etdi - FOTO
Azərbaycan Serbiyaya böyük həcmdə sərmayə qoymağa hazırdır
Bu qərar ədalətin təntənəsi, dövlətimizin gücü və milli iradəmizin təzahürüdür - RƏY
Günay Ağamalı: “Azərbaycan süni intellekt sahəsində öz imkanlarını genişləndirir”
Münhen Təhlükəsizlik Konfransı yalnız müzakirə platforması deyil, həm də qlobal siyasətin istiqamətlərinin müəyyənləşdirildiyi mühüm beynəlxalq məkandır.
Sülhdən tərəfdaşlığa: Bakı-Vaşinqton münasibətlərində yeni era
Azərbaycanın rəqəmsal gələcəyinə baxış
Azərbaycanın yeni rəqəmsal arxitekturası
Enerji Gücü və Qlobal Tərəfdaşlıq: Azərbaycanın Rəqəmsal Sıçrayışı üçün Strateji Baza
Rəqəmsal Azərbaycan: Prezident İlham Əliyevin Strateji Baxışı və Gələcəyin Yol Xəritəsi
Strateji tərəfdaşlıqda yeni mərhələ: ABŞ–Azərbaycan münasibətlərində tarixi dönüş
Strateji Xartiya və Yeni geosiyasi reallıq
Regionda sabitlik və iqtisadi inkişafın yeni perspektivləri
Azərbaycan artıq təkcə regionun deyil, regionlararası siyasətin də hesablaşdığı aktora çevrilir.
“Bloomberg”: Rusiya əmək bazarındakı böhran səbəbindən Hindistan və Şri-Lankaya müraciət edib
Əfqanıstanda yol qəzası nəticəsində 12 nəfər ölüb
Mənim ölçüm çox böyükdür, sizə olmaz, verin paltarlarımı – Müğənnidən Gömrüyə sərt sözlər
Prezidentin köməkçisi yeni sədri kollektivə təqdim etdi – FOTOLAR
Aşınmış dəyərlər yoxsa “AZAD” gənclik...
Kriminal xəbərlər zorakılığı normallaşdırır - ETİRAZ
Hadisə Bakıda liseydə şagird müəllimi güllələdi .
Müəllimi güllələdi Məktəbdə baş verən faciə: günahkar kimdir?
Qalib Dövlətin Sülh Missiyası: Prezident
Sülh siyasətinə beynəlxalq ehtiram.
Deputat Günay Ağamalı Pakistana başsağlığı verib.
Prezident İlham Əliyevin sülhə əsaslanan siyasəti və beynəlxalq nüfuzunun növbəti təsdiqi
Sülhün yaradılması: müdriklik və cəsarətin nəticəsi
İlham Əliyev və “Zayed İnsan Qardaşlığı” Mükafatı: Sülhün qlobal simvolu
Regional və qlobal sülhə, təhlükəsizliyə töhfə verən Lider
Milli Məclisin deputatı Günay Ağamalı Neftçala rayonunun Aşağı Surra kəndində seçicilərlə görüşü keçirildi.