Xızı-Abşeron” Külək Elektrik Stansiyası təkcə enerji obyekti deyil, eyni zamanda cənab Prezident İlham Əliyevin formalaşdırdığı güclü dövlət-etibarlı iqtisadiyyat modelinin bariz təzahürüdür.

Prezident İlham Əliyevin Bakıda “Xızı-Abşeron” Külək Elektrik Stansiyasının rəsmi açılış mərasimindəki çıxışı bir daha sübut etdi ki, Azərbaycan enerji təhlükəsizliyini yalnız bugünün deyil, gələcək nəsillərin maraqları prizmasından dəyərləndirən, çevik və uzaqgörən siyasət həyata keçirir. Bu mühüm tədbir təkcə yeni enerji obyektinin istifadəyə verilməsi deyil, eyni zamanda ölkəmizin bərpa olunan enerji strategiyasının real nəticələrlə möhkəmləndiyini göstərən tarixi hadisədir.
 Cənab Prezident İlham Əliyevin açılış mərasimində söylədiyi nitqində vurğuladığı kimi, bu stansiya təkcə 240 meqavatlıq əlavə güc demək deyil. Bu, həm də ölkənin uzunmüddətli enerji təhlükəsizliyini möhkəmləndirən mühüm infrastruktur layihəsidir. Azərbaycanın müxtəlif bölgələrində bərpaolunan enerji mənbələrinin ardıcıl şəkildə inkişaf etdirilməsi dövlətin enerji siyasətinin sistemli və məqsədyönlü xarakter daşıdığını göstərir. Xüsusilə Xəzər dənizinin Azərbaycan sektorunda külək potensialının 157 giqavat həcmində qiymətləndirilməsi ölkənin gələcəkdə regional və qlobal enerji bazarlarında rolunun daha da artacağını deməyə əsas verir. Bu yanaşma enerjinin təkcə istehsal deyil, həm də geosiyasi güc alətinə çevrildiyini nümayiş etdirir.
           Azərbaycanda ACWA Power” kimi qlobal miqyasda aparıcı mövqeyə malik şirkətin fəaliyyətə başlaması təsadüfi deyil. Cənab Prezidentin də qeyd etdiyi kimi, bu əməkdaşlıq yalnız bir stansiya ilə məhdudlaşmır və gələcəkdə Xəzər dənizinin suyunun duzsuzlaşdırılması kimi strateji layihələri də əhatə edir. Bu fakt göstərir ki, Azərbaycan artıq sadəcə sərmayə qəbul edən ölkə deyil, iri transmilli layihələrin planlaşdırıldığı və icra edildiyi etibarlı platformadır. Bərpaolunan enerji sahəsində həyata keçirilən layihələr ölkənin texnoloji səviyyəsinin yüksəlməsinə, insan kapitalının inkişafına və qeyri-neft sektorunun genişlənməsinə xidmət edir. Dövlət başçısının dediyi kimi, ölkənin maliyyə sabitliyi göstəriciləri də bu inkişafın dayanıqlı əsaslara söykəndiyini təsdiqləyir. Xarici borcun ÜDM-in cəmi 6 faizindən bir qədər çox olması və valyuta ehtiyatlarının bu borcu 16-17 dəfə üstələməsi Azərbaycanın dünya miqyasında nadir maliyyə intizamına malik ölkələrdən biri olduğunu göstərir. Bu reallıq xarici investorlar üçün açıq mesajdır: Azərbaycana yatırılan sərmayə qorunur, səmərə verir və uzunmüddətli mənfəət gətirir. Beləliklə, “Xızı-Abşeron” Külək Elektrik Stansiyası təkcə enerji obyekti deyil, eyni zamanda cənab Prezident İlham Əliyevin formalaşdırdığı güclü dövlət-etibarlı iqtisadiyyat modelinin bariz təzahürüdür.
Məhz buna görə Azərbaycan aparıcı ölkələr arasında yer alır. Valyuta ehtiyatları ölkənin maliyyə təhlükəsizliyini təmin edir. Bu ehtiyatlar iqtisadi şoklara qarşı etibarlı sipər rolunu oynayır. Mövcud göstəricilər investorlar üçün mühüm siqnaldır. Bütün bu amillər deməyə əsas verir ki, Azərbaycana qoyulan sərmayə xeyir gətirir. Bu sərmayələr uzunmüddətli mənfəət vəd edir. Ölkəmiz investisiya baxımından cəlbedici məkandır. Bu gün Azərbaycan sərmayə qoyuluşu üçün əlverişli imkanlar təqdim edir. Burada hüquqi baza tam formalaşdırılıb. Sahibkarlıq mühiti daim təkmilləşdirilir. Dövlət investorlara dəstək göstərir. Siyasi sabitlik ölkənin əsas üstünlüklərindən biridir. İqtisadi sabitlik davamlı inkişafı təmin edir. Sosial sabitlik isə cəmiyyətin rifahını yüksəldir. Bu üç əsas amil bir-birini tamamlayır. Ölkəmizdə uzun müddətdir sabitlik hökm sürür. Artıq beş ildir ki, Azərbaycan rəsmən sülh şəraitində yaşayır. Sülh mühiti iqtisadi fəallığı artırır. Genişmiqyaslı quruculuq işləri bütün regionları əhatə edir. Xüsusilə azad edilmiş ərazilərdə böyük layihələr icra olunur. İnfrastruktur layihələri sürətlə həyata keçirilir. Yeni yollar və kommunikasiya xətləri çəkilir. Sənaye və enerji layihələri reallaşdırılır. Kənd təsərrüfatı və turizm inkişaf etdirilir. Bütün bunlar investisiya imkanlarını genişləndirir. Bu gün keçirilən mərasim bunun bariz nümunəsidir. Mərasim xarici şirkətlərin ölkəmizə olan marağını nümayiş etdirir. Bu maraq qarşılıqlı etimada əsaslanır. Xarici şirkətlərin Azərbaycana inamı aydın şəkildə görünür. Bu inam tam əsaslı və davamlıdır.
Azərbaycan Respublikasının Prezidenti cənab İlham Əliyevin “Xızı-Abşeron” Külək Elektrik Stansiyasının rəsmi açılış mərasimində çıxışı ölkənin iqtisadi inkişafının konturlarının etibarlılığının dönməziliyinin təsdiqi kimi dinlənildi və belə də tarixləşdi.

Vüsal Gözəlov ,
“AccessBank” Salyan filialının müdiri