"31 Mart soyqrımı təkcə Azərbaycan tarixində deyil, bəşər tarixində ən qanlı faciələrindən biridir" - DEPUTAT

Ermənilərin Azərbaycan xalqına qarşı həyata keçirdiyi kütləvi qırğınlar, soyqırımlar və etnik təmizləmələr onların dərin nifrətinin, amansız düşmənçiliyinin, vandallığının və məqsədli məhvetmə siyasətinin bariz nümunəsidir.
Türklərə qarşı düşmənçiliyi milli ideologiyaya çevirən ermənilər, tarix boyu öz qanlı və təcavüzkar siyasətlərini həyata keçirməkdən çəkinməmişlər. Erməni millətçilərinin, daşnakların müstəqil Ermənistan dövləti qurmaq ideyası əsasında törətdikləri vəhşiliklər insanlıq adına ən böyük ləkədir.

31 Mart soyqrımı təkcə Azərbaycan tarixində deyil, bəşər tarixində ən qanlı faciələrindən biridir.

1918-ci il 30 Mart və 3 aprel tarixləri arasında Bakı quberniyasının müxtəlif bölgələrində, Bakı şəhərində, Şamaxı, Göyçay, Quba, Lənkəran, Salyan, Hacıqabul, Xaçmaz, Qarabağ, Naxçıvan, Zəngəzur və digər ərazilərdə Bakı Soveti və Daşnaksütundan olan erməni silahlı dəstələri dinc əhaliyə qarşı misli görünməmiş qırğınlar törətdi. Çarəsiz və müdafiəsiz qalmış insanlar Stefan Şamuyan kimi cəlladların qurbanı oldu. Erməni cəlladları uşaq, qoca, qadın demədən dinc əlaliyə divan tutdular. On minlələrlə insanı qılıncdan, süngüdən keçirdilər və diri-diri yandırdılar. 26 Bakı komissarının rəhbəri olan Stefan Şamuyan mart soyqırımının əsas təşkilatçılarından idi.

Sovet rejimi xalqımızın qan yaddaşını silmək məqsədilə, 1918-ci ilin qanlı faciəsinin təşkilatçılarını və ideya müəlliflərini, o cümlədən qatı cinayətkar Stepan Şaumyanı saxta qəhrəman obrazında təqdim etmiş, onların xalqımıza qarşı törətdiyi vəhşilikləri ört-basdır etməyə çalışmışdır. Lakin, Azərbaycan dövlət müstəqilliyini bərpa etdikdən sonra həqiqət anı yetişdi və tariximizin qanlı faciələrinin obyektiv mənzərəsini ortaya qoymaq imkanı yarandı. Ulu Öndər Heydər Əliyevin 1998-ci il 26 Mart tarixli Fərmanı ilə soyqırım aktlarına siyasi-hüquqi qiymət verildi. Bununla yanaşı aparılan tədqiqat işləri həqiqətlərin üzə çıxmasında əsas rol oynadı. Hal-hazırda 31 Mart soyqrımının dəhşətini özündə əks etdirən Quba kütləvi məzarlığı illuziyalardan uzaq, tarixi faktlara əsaslanan həqiqətlərin sübutudur.

Çox təəssüf hissi ilə qeyd etməliyəm ki, dünya birliyi hələ də 31 Mart soyqrımına siyasi-hüquqi qiymət vermir.

Ermənilərin "məzlum xalq" obrazı gerçək simalarını, əsrlər boyu törətdikləri vəhşilikləri, barbarlığı, işğalçılıq və terror əməllərini gizlətmək üçün uydurulmuş, saxtakarlıq və riyakarlıqla yoğrulmuş iyrənc bir uydurmadır. Ermənilərin simasındakı riyakarlıq maskası çoxdan yırtılsa da, hələ də buna göz yuman, susmağa üstünlük verən və bu ikiüzlülüyə şərik olan dövlətlər az deyil.

Günay Ağamalı - Milli Məclisin deputatı, Ana Vətən Partiyasının sədr müavini