Deputatlardan ABŞ-ın Azərbaycana qarşı bəyanatlarına CAVAB – “Bu, ölkəmizə qarşı TƏHDİDDİR”

“İrəli sürülən müddəalar Azərbaycana qarşı təhdiddir”

Deputat Fəzail Ağamalı düşünür ki, ABŞ bu amildən istifadə etməklə Azərbaycana təzyiq göstərməyi düşünür:

“Bu dinləmələr mahiyyətcə birbaşa ermənipərəst mövqeyilə seçilir. Düşünmürəm ki, Qarabağın gələcəyi ABŞ üçün prioritetdir. Sadəcə olaraq, onlar bu amildən istifadə edərək, Azərbaycana təzyiq göstərilir. Azərbaycanın həyata keçirdiyi müstəqil və milli maraqlara söykənən xarici siyasət Vaşinqtonu narahat edir.

Onu da unutmayaq ki, Bayden “907-ci düşəliş”in müəlliflərindəndir. Bayden adminstrasiyası təpədən dırnağa qədər ermənipərəst mövqe nümayiş etdirir. Bunun təzahürlərindən biri də keçirilən dinləmələrdir. Dinləmələrdə Obraynın irəli sürdüyü 3 müddəa birbaşa Azərbaycana qarşı təhdiddir. Onların fikrincə, Azərbaycan öz suverenliyini təmin etməməli idi”.

Deputat qeyd edir ki, Azərbaycanın Qarabağda güc tətbiq etməsinin məyusluq doğurur demələri də anoloqu olmayan yanaşmadır:

“Azərbaycan Ordusu mülki əhaliyə toxunmadan, ölkəmizə qarşı terror törədən silahlı tör-töküntüləri hədəfə alıb. Bu ölkəmizin müstəsna hüququdur. Bundan təəssüflənirlərsə, deməli ABŞ Dövlət Departamentinin nümayəndəsinin həmin fikri faktiki olaraq rəsmi Vaşinqtonun mövqeyi kimi izah olunmalıdır”.

F. Ağamalı düşünür ki, keçirilən dinləmələr ABŞ ölkəmizə qarşı qeyri-obyektiv, qərəzli münasibətinin təzahürüdür:

“Onlar Azərbaycanın 44 günlük müharibədə əldə etdiyi uğurunu həzm edə bilmirlər. Könüllü şəkildə, öz xoşları ilə Azərbaycanı tərk edən ermənilərin qayıtmasını önə çəkmələri göstərir ki, ola bilsin antiterror əməliyyatından sonrakı dövrdə erməni əhalisi məhz onların hazırladığı ssenari əsasında Bakının hər hansı bir şəkildə təzyiqi olmadan Azərbaycanı tərk ediblər. Məhz belə bir ssenarini işə salmaqla sonradan bu amildən istifadə edib, Bakıya qarşı təzyiqləri davam etdirmələri üçün bu addımı atıblar”.