image image

Ermənistan nəticə çıxarmalıdır

image

 

 

Azərbaycan regionda təhlükəsizlik, əməkdaşlıq, rifahın təmin edilməsi təşəbbüsləri ilə daim çıxış edib. 44 günlük Vətən müharibəsi Azərbaycanın böyük zəfəri ilə başa çatdırdıqdan dərhal sonra da məğlub Ermənistana iki ölkə arasında münasibətlərin normallaşdırılması təklif edilib. Təssüflər olsun ki, illərlərlə düşmən tapdağı altında qalan torpaqlarımız azad edildikdən keçən üç il ərzində revanşist fikirlərindən hələ də əl çəkməyən Ermənistan hökuməti sülh danışıqlarına ciddi yanaşmadı. Özlərini köməyə ehtiyacı olan məzlumlar kimi təqdim edən, sülhə gedən yolda təxribatlar yaradan erməni faşistləri, onların havadarları sülh istiqamətində gedən prosesləri yubadır, hər cür təxribatlara əl atırlar. Döyüş meydanında aldığı sarsıdıcı zərbələr, siyasi masalardakı ard-arda uğursuzluqlar erməni vandallarının, onların havadarlarının rahatlığını əməli-başlı pozdu.

BMT Təhlükəsizlik Şurasının 16 avqust 2023-cü il tarixində növbədənkənar iclasında Ermənistanın guya Qarabağda “humanitar böhran”, aclıq, blokada və s. şəraitində yaşamasınından danışılıb. Beynəlxalq aləmdə sülhü və təhlükəsizliyi qorumaq və möhkəmləndirmək, dövlətlər arasında əməkdaşlığı inkişaf etdirmək üçün yaradılan BMT Təhlükəsizlik Şurası vaxtilə erməni silahlı birləşmələrinin tam, qeyri-şərtsiz və dərhal Azərbaycan ərazilərindən çıxarılması üçün qəbul etdiyi 822, 853, 874 və 884 saylı qətnamələri illərlə kağız üzərində qaldı. Qalib ölkəmiz, Azərbaycan Ordusu bu qətnamələri öz gücünə yerinə yetirdi. Azərbaycan beynəlxalq hüquqa, BMT-nin Nizamnaməsinə, o cümlədən hər bir ölkənin özünümüdafiə hüququna malik olmasını nəzərdə tutan BMT Nizamnaməsinin 51-ci maddəsinə uyğun olaraq münaqişəni özü həll etdi.

BMT Təhlükəsizlik Şurasının tribunasından məğlubiyyəti ilə barışa bilməyən Ermənistanın ölkəmizə qarşı təbliğ etdiyi “blokada” və ya “humanitar böhran” ilə bağlı bütün əsassız iddiaları ilə dolu qarayaxma maşını işə düşüb. Əslində, ermənilərin Azərbaycanın suverenliyinə və ərazi bütövlüyünə xələl gətirmək üçün aparılan təxribat xarakterli, çirkin siyasi kampaniyalara heç kim inanmır. Artıq dünyadəfələrlə ermənilərin vandallığının, qanunsuz əməllərinin şahidi oldu. Otuz il ərzində torpaqlarımızı işğal altında saxlayan Ermənistan hökuməti hələ də ümid edirlər ki, məkrli planlarını həyata keçirə bilərlər.

Ermənistan hökuməti 44 günlük Vətən müharibəsində Müzəffər Ali Baş Komandan İlham Əliyevin rəhbərliyi ilə Azərbaycan Ordusunun “dəmir yumruq” əməliyyatını unudurlar. Məkrli niyyətlərini beynəlxalq aləmə "humanitar böhran", "blokada" şousu kimi sırımağa çalışan rəsmi İrəvanın son planı da iflasa uğradı.

Öz sərhədlərini, dövlət təhlükəsizliyini tam şəkildə müdafiə edən müstəqil, suveren Azərbaycan dünya siyasətçilərinin gözləri qarşısında BMT tribunasından ölkəmizin suverenliyinə, ərazi bütövlüyünə qarşı təxribat xarakterli və beynəlxalq hüquq normalarına, üçtərəfli Bəyanata zidd siyasi kampaniya bir daha ifşa edildi. BMT-nin Təhlükəsizlik Şurasında səsləndirilən fikirlər və nümayiş etdirilən konkret mövqe Ermənistanın hərəkətləri əvvəlcədən planlaşdırılmış siyasi riyakarlıq olduğunu açıq-aydın göstərdi.

44 günlük Vətən müharibəsində “Dəmir Yumruq”dan aldığı zərbədən nəticə çıxarmayan rəsmi İrəvan yaxşı olardı ki, ərazi bütövlüyünün qarşılıqlı tanınması, sərhədlərin delimitasiyası, kommunikasiyaların bərpası və sülh müqaviləsinin imzalanması məsələsində konstruktiv mövqe sərgiləsin. Separatizmə dəstək verən bəzi güc mərkəzlərinin dəstəyinə ümid olan Ermənistan hökuməti reallıqlardan, Azərbaycanın diplomatik qalibiyyətindən nəticə çıxarmalıdır.

 

Bayram Aslanov

YAP İdarə Heyətinin üzvü, YAP Gəncə şəhər təşkilatının sədri





Manşet xəbərləri

BÖLGƏYƏ SÜLH VƏ İNKİŞAF GƏTİRƏN REALLIQLAR

        Cari ilin 12 noyabr tarixindəTürkdilli Dövlətlərin Əməkdaşlıq Şurasının VIII Zirvə Görüşü zamanı...

AZƏRBAYCAN DÖVLƏTÇİLİYİ TARİXİNDƏ DÖNÜŞ NÖQTƏSİ

    Yeni Azərbaycan Partiyası ötən əsrin 80-ci illərinin sonu- 90-cı illərinin əvvəllərində ölkəmizdə meydana çıxan mürəkkəb...

Cəlilabadda 8 Noyabr – Zəfər Günü münasibətilə yürüş və ağaçəkmə aksiyası keçirilib-FOTO

  Noyabrın 8-da Cəlilabad şəhərində keçirilən Zəfər yürüşündə CəlilabadRayon İcra Hakimiyyətinin başçısı Rafiq Cəlilov, hüquq-mühafizə orqanlarının...

TARİXİ HƏQİQƏTLƏRİ TƏHRİF ETMƏK OLMAZ

 Azərbaycan ötən il Vətən müharibəsində qazandığı şanlı Zəfərsayəsində regionun geoiqtisadi və geosiyasi mənzərəsini yenidən dizayn...

İLHAM ƏLİYEV SÜLH ÇAĞIRIŞLARI EDİR

Azərbaycan Respublikasının Prezidenti İlham Əliyev işğaldan azad edilməsininbirinci il dönümündə - 17 oktyabrda Füzuliyə səfər...

QƏLƏBƏYƏ ÜMİDLƏRİN ÇİN OLDUĞU DİYAR

  Prezident İlham Əliyevin   işğaldan azad edilmişFüzuli rayonuna növbəti səfəri uğurlu olub. Ölkə başçısının...

FÜZULİNİN DÜŞMƏNDƏN AZAD EDİLMƏSİ MÖHTƏŞƏM QƏLƏBƏNİ EHTİVA EDƏN HADİSƏDİR

    2020-ci ildə Azərbaycanın şanlı və qəhrəman OrdusununMüzəffər Ali Baş Komandan İlham Əliyevin əmri ilə...

QOŞULMAMA HƏRƏKATININ BEYNƏLXALQ NÜFUZU GETDİKCƏ ARTIR

 Oktyabrın 11-də Serbiyanın paytaxtı Belqradda Qoşulmama Hərəkatının 60illiyinə həsr edilmiş Yüksək Səviyyəli Toplantıda Prezident İlham...

HADRUT ƏMƏLİYYATI QƏLƏBƏMİZDƏ BÖYÜK ROL OYNADI

   Ali Baş Komandan İlham Əliyev Xocavənd rayonuna, Hadrutqəsəbəsinə və Tuğ kəndinə səfər edib. İctimaiyyətin nümayəndələri...

AZAD EDİLMİŞ TORPAQLARA YENİ HƏYAT GƏLİR

  Azərbaycan Respublikasının Prezidenti İlham Əliyev Rusiyanın nüfuzlu“Nasionalnaya oborona” jurnalının baş redaktoru, tanınmış hərbi ekspert...