image image

“Kılıçdaroğlu FETÖ ilə bərabər...” – Partiya sədrindən maraqlı açıqlamalar

image

 

“Hələlik Türkiyədəki prezident seçkilərində ikinci tur məsələsi müəyyənləşməyib. Ona görə də biz son sözü yəqin ki, Türkiyədən kənarda – xaricdə səs verən Türkiyə vətəndaşlarının səslərinin sayılmasından sonra söyləyə bilərik”.

Bu sözləri Yenisabah.az-a açıqlamasında Ana Vətən Partiyasının (AVP) sədri, Milli Məclisin deputatı Fəzail Ağamalı deyib.

O, ötən gün keçirilən seçkilərdən, habelə CHP sədri Kemal Kılıçdaroğlunun seçkilərin ikinci turunda məğlub olması ehtimalından sonra partiya sədrliyindən istefası verməsi ilə bağlı səslənən fikirlərə toxunub.

Müxalifətçinin fikrincə, verilən məlumatlara görə, 1250-dən çox xaricdəki sandıqlar hələ ki açılmayıb və səsvermə hələ yekunlaşmayıb:

“Ona görə də indiki məqamda tələsməyin tərəfdarı deyiləm. Ola bilsin ki, çox böyük dəyər verdiyimiz Rəcəb Tayyip Ərdoğan səsləri toplayıb, birinci turda qalib kimi elan oluna bilər. Əgər orada səslər parçalansa, təbii ki, ikinci turun keçirilməsi qaçılmaz olacaq. Amma buna baxmayaraq, Ərdoğan böyük üstünlüklə ikinci tura gedəcək və ikinci turda onun qalib gəlməsinə şübhə etmirəm.

Xüsusilə də üçüncü namizəd Sinan Oğanın ad çəkməsə də, mənsub olduğu “ATA İttifaqı” blokunun fikrini ifadə etməsi, “biz o adamın prezident seçilməsində maraqlıyıq ki, o, özünün konkret və aydın şəkildə terror qarşı münasibətini ortaya qoysun” sözlərinin söylənməsi artıq o deməkdir ki, Sinan Oğanın PKK terroru ilə qarşı mübarizə ilə Ərdoğan və onun komandasının fikirləri tamamilə üst-üstə düşür. Belə olan təqdirdə, Sinan Oğanın seçicilərinin Rəcəb Tayip Ərdoğana səs verməsi ona daha böyük üstünlük qazandıracaq. Bu üstünlüyün üstünə əlavə üstünlük gəlməklə Ərdoğan ikinci turda qalib çıxacaq”.

AVP sədri əlavə edib:

“Mən burada qətiyyən problem görmürəm. Əvvəldən də gəldiyim qənaət bu idi ki, müdrik türk xalqı Türkiyə dövlətini xarici təhdidlərdən qorumaq və onun indiki müstəqil siyasi xəttini müdafiə etmək üçün müdriklik göstərib Ərdoğana səs verəcək və bu da özünü doğrultdu.

O ki qaldı Kılıçdaroğlunun toplamış olduğu səsə, bu, təkcə onun səsi deyil. Bildiyiniz kimi, oraya “Altılı Masa”ya daxil olan partiyaların dəstəkçiləri ilə yanaşı Kılıçdaroğluya böyük dəstək verən kürd əsilli Türkiyə vətəndaşları da səs verdilər. İkinci tur olsa, CHP-yə çox böyük problemlər yaradacaq. Çünki Deniz Baykaldan sonra partiyaya rəhbərlik edən Kemal Kılıçdaroğlu son 13 ildə bu partiyaya hər hansı bir uğur gətirə bilmədi. Çünki CHP-nin illədir kristallaşmış seçici sayı var ki, onlar hər zaman 25% seçici sayı ilə parlamentə düşmək üçün səs verirlər. Bu seçkilərdə də bu tendensiya öz əksini tapdı”.

Deputatın fikrincə, Kılıçdaroğluna qarşı bu seçkilərdən sonra ciddi münasibət ortaya qoyulacaq:

“O cümlədən onun dayaqları partiyada tamamilə zəifləyib. Həmçinin, seçkilər dövründə onun aparmış olduğu təbliğat və təşviqat nitqləri onun səmimiyyətsizliyini bir daha ortaya qoydu. Onun danışıqlarına böhtan, şər, populizm əsas amil idi. Eləcə də digər rəqiblərinə qarşı Kılıçdaroğlunun FETÖ ilə bərabər böhtan kampaniyası içərisində yer alması və digər amillər CHP sədri kimi onu bitirdi. Onun istefası qaçılmazdır. “Millət İttifaqı” daxilində parçalanma şəksizdir. Çünki onlara böyük vədlər verən Kılıçdaroğlunun bu məğlubiyyətindən sonra onların CHP sədrinin yanında olması inandırıcı görünmür.

Bu seçkilər Türkiyənin siyasi həyatında çox ciddi aydınlıqlar gətirdi və Ərdoğan faktiki olaraq Milliyyətçi Hərəkat Partiyası ilə bərabər bu uğuru əldə etdi. Xatırladım ki, MHP-nin elektoratı kifayət qədər parçalandı, çünki onun bir hissəsini Meral Akşener, digər bir hissəsini isə Mansur Yavaş apardı. Buna baxmayaraq, Devlet Bahçeli özünün türk dövlətinə sədaqətini nümayiş etdirərək, “Cümhur İttifaqı”nda qalıb bu seçkilərdə öz töhfəsini Türkiyə dövlətinə verdi. Bu baxımdan ona alqış düşür”.

Onun sözlərinə görə, nəticə etibarilə, Kılıçdaroğlu artıq bir siyasətçi kimi özünü bitirdi:

“Əgər ikinci tur olarsa, ondan sonra bu məsələ artıq yekunlaşacaq. Yox, birinci tur olsa, artıq biz 1-2 gün sonra Kılıçdaroğluya qarşı həm öz partiyasından, həm də Türkiyənin müxtəlif siyasi qütblərindən ciddi təpkilərin yer aldığının şahidi olacağıq.

Onun istefa verməsindən sonra isə yerinə sadəcə 2 nəfərin adı çəkilir. Onlardan biri Ankara Böyükşəhər Bələdiyyəsinin sədri Mansur, digəri isə İstanbul Böyükşəhər Bələdiyyəsinin sədri Ekrem İmamoğludur. İmamoğlu da İstanbulda əvvəlki populyarlığını və nüfuzunu itirdi. Çünki o, seçicilərə verdiyi vədini yerinə yetirə bilmədi. Demək olar ki, bu gün İstanbul əvvəlki kimi deyil və onun problemləri öz həllini tapa bilmir. Bu da İmamoğlunun nüfuzuna və istanbulluların arasındakı reytinqinə çox mənfi təsir göstərdi. Ona görə də İmamoğlunun CHP-yə sədr seçilməsi məsələsi məndə kifayət qədər sual doğurur.

Mansur Yavaşın şansı daha yüksəkdir, həm də o, daha çox millidir. Yavaş milliyyətçi düşüncələrini özündə ifadə edir və Kılıçdaroğlu kimi qeyri-müəyyən və kosmopolit bir insan deyil. Əgər Yavaş CHP-yə rəhbər gələrsə, partiyanın ideoloji konsepsiyasında və baxışlarında müəyyən dəyişikliklərin olması gözlənilir”.





Manşet xəbərləri

BÖLGƏYƏ SÜLH VƏ İNKİŞAF GƏTİRƏN REALLIQLAR

        Cari ilin 12 noyabr tarixindəTürkdilli Dövlətlərin Əməkdaşlıq Şurasının VIII Zirvə Görüşü zamanı...

AZƏRBAYCAN DÖVLƏTÇİLİYİ TARİXİNDƏ DÖNÜŞ NÖQTƏSİ

    Yeni Azərbaycan Partiyası ötən əsrin 80-ci illərinin sonu- 90-cı illərinin əvvəllərində ölkəmizdə meydana çıxan mürəkkəb...

Cəlilabadda 8 Noyabr – Zəfər Günü münasibətilə yürüş və ağaçəkmə aksiyası keçirilib-FOTO

  Noyabrın 8-da Cəlilabad şəhərində keçirilən Zəfər yürüşündə CəlilabadRayon İcra Hakimiyyətinin başçısı Rafiq Cəlilov, hüquq-mühafizə orqanlarının...

TARİXİ HƏQİQƏTLƏRİ TƏHRİF ETMƏK OLMAZ

 Azərbaycan ötən il Vətən müharibəsində qazandığı şanlı Zəfərsayəsində regionun geoiqtisadi və geosiyasi mənzərəsini yenidən dizayn...

İLHAM ƏLİYEV SÜLH ÇAĞIRIŞLARI EDİR

Azərbaycan Respublikasının Prezidenti İlham Əliyev işğaldan azad edilməsininbirinci il dönümündə - 17 oktyabrda Füzuliyə səfər...

QƏLƏBƏYƏ ÜMİDLƏRİN ÇİN OLDUĞU DİYAR

  Prezident İlham Əliyevin   işğaldan azad edilmişFüzuli rayonuna növbəti səfəri uğurlu olub. Ölkə başçısının...

FÜZULİNİN DÜŞMƏNDƏN AZAD EDİLMƏSİ MÖHTƏŞƏM QƏLƏBƏNİ EHTİVA EDƏN HADİSƏDİR

    2020-ci ildə Azərbaycanın şanlı və qəhrəman OrdusununMüzəffər Ali Baş Komandan İlham Əliyevin əmri ilə...

QOŞULMAMA HƏRƏKATININ BEYNƏLXALQ NÜFUZU GETDİKCƏ ARTIR

 Oktyabrın 11-də Serbiyanın paytaxtı Belqradda Qoşulmama Hərəkatının 60illiyinə həsr edilmiş Yüksək Səviyyəli Toplantıda Prezident İlham...

HADRUT ƏMƏLİYYATI QƏLƏBƏMİZDƏ BÖYÜK ROL OYNADI

   Ali Baş Komandan İlham Əliyev Xocavənd rayonuna, Hadrutqəsəbəsinə və Tuğ kəndinə səfər edib. İctimaiyyətin nümayəndələri...

AZAD EDİLMİŞ TORPAQLARA YENİ HƏYAT GƏLİR

  Azərbaycan Respublikasının Prezidenti İlham Əliyev Rusiyanın nüfuzlu“Nasionalnaya oborona” jurnalının baş redaktoru, tanınmış hərbi ekspert...