Deputat Fəzail Ağamalı Mehriban Əliyeva -anı TƏBRİK ETDİ

Milli Majlis -sin Deputatı Fəzail Ağamalı 8 Mart - Beynəlxalq Qadınlar Günü münasibətilə Azərbaycanın Birinci vitse-prezidenti Mehriban Əliyevanı təbrik edib.

AZƏRBAYCAN RESPUBLİKASININ BİRİNCİ VİTSE-PREZİDENTİ, HEYDƏR ƏLİYEV FONDUNUN PREZİDENTİ, İSESCONUN XOŞMƏRAMLI SƏFİRİ, XANIM MEHRİBAN ƏLİYEVA

Hörmətli, Mehriban xanım!

Sizi 8 Mart Beynəlxalq Qadınlar Günü münasibətilə səmimi qəlbdən təbrik edir, Sizə möhkəm cansağlığı, çoxşaxəli fəaliyyətinizdə yeni-yeni uğurlar diləyirəm.
Siz ölkəmizin birinci xanımı, görkəmli ictimai-siyasi və dövlət xadimi kimi respublikamızda və dünyada böyük hörmət və nüfuz qazanmısınız. Bu, hər bir azərbaycanlıda sevinc və fərəh hisləri doğurur. Azərbaycan mədəni irsinin qorunub saxlanılmasına və onun dünyada təbliğinə, təhsilimizə, səhiyəyə, kimsəsiz və sağlamlığını itirmiş uşaqlara göstərdiyiniz yüksək qayğı, vətəndaşlarımıza xeyirxah və lütvükar münasibətiniz Sizin amalınız və həyat tərzinizdir.

Sizin vətənpərvərliyinizin, müstəqil dövlətimizə verdiyiniz töhvələrin miqyası kifayət qədər böyükdür. Sizin həm də ölkə prezidenti, cənab İlham Əliyevin geniş miqyas daşıyan və ölkəmizi Dünyada söz sahibi və regionun lider dövlətinə çevirən siyasətinin həyata keçirilməsində Birinci vitse-prezident kimi əvəzsiz xidmətləriniz qürurvericidir.

Müzəffər və Xilaskar Ali Baş Komandan, cənab İlham Əliyevin müdrikliyi, dəmir iradəsi və qətiyyətilə zəfər çaldığımız 44 günlük Vətən müharibəsi və müharibədən sonra Sizin prezidentimizlə, qəhrəman və igid Silahlı Qüvvələrimizlə, qazilərimizlə birgə görüşləriniz, onlara ünvanlanan hər bir isti və ana nəvazişli sözləriniz düşmənlə döyüşdə əsgər və zabitlərimizdə Vətənpərvərlik ruhunun yüksəlməsinə son dərəcə əhəmiyyətli təsir göstərdi. Bu tarixi qələbimizdə, həm də Sizin görünməyən töhfələriniz danılmazdır.  Erməni vandalları tərəfindən yerlə bir edilən tarixi vətənimizdə quruculuq və abadlıq işlərinin aparılmasında cənab prezidentimizlə bir olmağınız Sizə olan inam və etimadı daha da yüksəltmişdir.

Tam əminəm ki, Siz bundan sonra da bütün potensialınızı, istedad və enerjinizi sevimli prezidentimizlə bərabər onun müdrik siyasətinin reallaşmasına sərf edəcəksiniz.

Bir daha Sizi Qadınlar bayramı münasibətilə təbrik edir, şərəfli və məsuliyyətli fəaliyyətinizdə Sizə uğurlar, möhkəm can sağlığı, ailə səadəti arzulayıram.

Dərin hörmət və ehtiramla,
Fəzail Ağamalı
Milli Məclisin deputatı
07 mart 2023-cü il