Əməkdar artist “Nizami ili”nə fotosessiya həsr etdi

2021-10-15 23:20:55 279 baxış

Azərbaycan Dövlət Akademik Musiqili Teatrının quruluşçu baletmeysteri, Əməkdar artist Emin Əliyev “Nizami ili” ilə bağlı maraqlı bir layihəni reallaşdırıb. Böyük şairin obrazında kameralar önünə keçən tanınmış xoreoqraf dünya ədəbiyyatının görkəmli nümayəndəsi, dahi Azərbaycan şairi və mütəfəkkiri Nizami Gəncəvinin həyatının müxtəlif anlarını yaratdığı obrazda əbədiləşdirmək arzusu ilə foto çəkilişlər edib.
“Qalib əsgər”, “Sarı gəlin” kimi layihələrin iştirakçısı və quruluşçu baletmeysteri kimi sosial şəbəkə platformalarının izləyiciləri tərəfindən maraqla qarşılanan Emin Əliyev bu fotosessiya ilə əfsanəyə dönmüş mütəfəkkir şairin sevimli obrazını bu günümüzlə səsləndirib, onu bizə daha yaxın etməyə çalışıb.
“Nizami Gəncəvinin parlaq irsi xalqımızın mənəviyyatının ayrılmaz hissəsinə çevrilib. Nizami yaradıcılığı əsrlərdən bəridir ki, şərqin misilsiz mədəni sərvətlər xəzinəsində özünəməxsus yer tutur. Prezidentimiz cənab İlham Əliyevin müvafiq sərəncamı ilə bu il Azərbaycanda “Nizami ili” elan olunub. Mən də bir yaradıcı şəxs kimi bu bayrama – Nizaminin 880 illik yubileyinə öz töhfəmi vermək istədim və təşəbbusum teatrımızın rəhbərliyi tərəfindən müsbət qarşılandı. Artıq foto-albom kimi yaradıcılıq işimin ilk mərhələsi başa çatıb. Albomun sonunda tamaşaçılar “Ardi var…” anonsunu oxuyurlar. Bəli, bu albomun ardı çox maraqlı bir klip olacaq. Xoreoqrafiya sənəti ilə Nizaminin əbədiyaşar sətirləri bir daha hər kəsin qəlbinə yol tapacaq. Biz gözəl bir söz, rəqs, musiqi nümunəsini vəhdətdə nümayiş etdirməyə çalışacağıq”, - deyə Emin Əliyev bu barədə açıqlamasında bildirib.
Çəkilişlər üzərində tanınmış fotoqraf Ramil Aslanov, qrim ustası Aysel Hüseynova, kostyumçu Aynişan Məmmədova işləyiblər.
Layihədə SSRİ Xalq artisti, görkəmli bəstəkar Fikrət Əmirovun “Nizami” simfoniyasından istifadə edilmişdir.
Qüdrətli söz və fikir ustadının sətirlərini Musiqili Teatrın gənc aktyoru, Prezident mükafatçısı Əmrah Dadaşov səsləndirmişdir.
Çəkilişlər “İçərişəhər” Dövlət Tarix-Memarlıq Qoruğunda aparılmışdır.

Kanal4.az

Kanal4.az

Laçında yeni həyatın təməli möhkəmlənir

Laçın: işğaldan azadlığa uzanan tarixi yol

Laçın quruculuq və inkişaf məkanına çevrilir

Azərbaycan–Özbəkistan əlaqələrinin mənəvi dayaqları: ortaq tarix və mədəni bağlar

Əməkdar artist “Nizami ili”nə fotosessiya həsr etdi

Zəfər Gününə həsr olunan kitab nəşr edildi - FOTO

Əməkdar artist “Nizami ili”nə fotosessiya həsr etdi

Pandemiya dövrü teatr və film sahəsinə necə təsir edib? – “Əksər insanlar teatra getməyə qorxacaqlar”

Dövlət Turizm Agentliyi yeni sayt istifadəyə verib

Kuruluş Osman”ın Gəncə bəyi: “Van Damm kimi filmlərə çəkilmək istəyirəm” - FOTO

Salyanda: Poeziya dərnəyi yaradıldı.

Qaydalara əməl etməyən hotellər cərimə olunacaq_ XƏBƏRDARLIQ

Mədəniyyət nazirinin müşaviri və 2 şöbə müdiri işdən çıxarılıb