Respublika Klinik Xəstəxanasında 62 yaşlı pasiyentə laporoskopik üsul ilə total histerektomiya və bilateralsalpinqooferektomiya əməliyyatı icra edilib

62 yaşında postmenopauzal qanaxma və yumurtalıq kistası şikayətləri ilə xəstəxanaya müraciət edən pasiyentdən endometrial biyopsiya alındıqdan sonra Ginekologiya bölməsinin müdiri uzman həkim Nərmin Orucova, həkimlər Vəfa Bədəlova və Dinarə Rzayeva tərəfindən laporoskopik üsul ilə total histerektomiya və bilateralsalpinqooferektomiya (uşaqlığın və artımların çıxarılması) əməliyyatı icra edilib.

Məlumat üçün qeyd edək ki, Respublika Klinik Xəstəxanasının Patoloji hamiləlik şöbəsinin Ginekologiya bölməsində laporoskopik (qapalı) üsulla əməliyyatlar icra edilir.

Qapalı üsul ilə əməliyyatların icra edilməsinin üstünlükləri yara kəsiklərinin kiçik olması, ağrı və qan itkisinin az olması, xəstəxanada yatış müddətinin qısa olmasıdır.