Salyanda "Yaşıl dünya naminə həmrəylik ili" çərçivəsində ekoloji təmizlik aksiyası keçirilmişdir

06 iyun 2024-cü il tarixində Şirvan-Salyan Regional Gənclər və İdman İdarəsinin Salyan rayonu üzrə gənclər və idman sektorunun, Yeni Azərbaycan Partiyası Salyan Rayon Təşkilatının və Salyan Rayon Uşaq-Gənclər İnkişaf Mərkəzinin birgə təşkilatçılığı ilə Salyan şəhəri, Kür çayı sahilində "Yaşıl dünya naminə həmrəylik ili" çərçivəsində ekoloji təmizlik aksiyası keçirilmişdir. Ekoloji aksiyada Şirvan-Salyan Regional Gənclər və İdman İdarəsinin Salyan rayonu üzrə gənclər və idman sektorunun və Yeni Azərbaycan Partiyası Salyan Rayon Təşkilatının əməkdaşları, YAP fəalları, Salyan Rayon Uşaq-Gənclər İnkişaf Mərkəzinin müəllim və şagird heyəti iştirak etmişdir. Aksiyanın keçirilməsində məqsəd ətraf mühitin təmiz saxlanılması və insanların təbiətin çirkləndirilməsinə qarşı diqqətini cəlb etməkdir.