Ana Vətən Partiyasının Nərimanov rayon təşkilatının bərpa konfransı keçirilib

Bu gün, Ana Vətən Partiyasının Nərimanov rayon təşkilatının bərpa konfransı keçirilib. Tədbirdə Partiya Sədrinin müavini Yalçın Hacızadə və təşkilat şöbəsinin müdiri Ülvi Bayramov iştirak ediblər.

Tədbir Ümummilli lider Heydər Əliyevin və Vətənimiz uğrunda şəhid olanların uca xatirəsinin yad edilməsi ilə başlayıb. 

Konfransda çıxış edən Yalçın Hacızadə partiyanın sədri, millət vəkili Fəzail Ağamalının adından iştirakçıları salamlıyaraq, Ana Vətən Partiyasının yaradılmasından, keçdiyi tarixi yoldan, güclü və bütov Azərbaycan amalından, ölkəmizdəki və dünyadakı ictimai-siyasi hadisələrdən, Ana Vətən Partiyasının Ulu öndər Heydər Əliyev yoluna sadiqliyindən və Prezident İlham Əliyevin siyasətinin ana vətənçilər tərəfindən dəstəklənməsindən danışıb. 

Daha sonra təşkilati məsələlərə baxılıb.

Səsvermə nəticəsində Əlimirzəyeva Lalə AVP Nərimanov rayon təşkilatının sədri, Aysel Məmmədova sədrin  müavini, Fidan Orucəliyeva Gənclər Təşkilatının, Zülfiyyə Quliyeva Qadınlar Şurasının, Elşad Əliyev NTK-nın, Aytən Tofiqli Məclisin sədri seçilib. 

Bununlada konfrans öz işini başa çatdırıb.