YAP Salyan rayon təşkilatı partiya fəalları ilə görüşlərini davam etdirir

Yeni Azərbaycan Partiyası Salyan rayon təşkilatının sədr müavini Aqşin Babayev rayonun Qarabağlı kəndində partiya fəalları və sakinləri ilə görüş keçirib. Görüş zamanı əsası Ulu Öndər Heydər Əliyev tərəfindən qoyulan və bu gün cənab Prezident İlham Əliyev tərəfindən uğurla davam etdirilən müstəqil və məqsədyönlü siyasətdən, beynəlxalq arenada ölkəmizin uğurlarından, işğaldan azad olunan ərazilərimizdə aparılan sürətli abadlıq və quruculuq işlərindən, Yeni Azərbaycan Partiyasının ölkənin ictimai-siyasi həyatında parlaq fəaliyyətindən danışılıb. Rayon təşkilatının fəaliyyəti, sosial şəbəkə hesabları, Yeni Azərbaycan Partiyasının təsdiq olunmuş yeni Nizamnaməsi barədə görüş iştirakçılarına ətraflı məlumat verilib. Daha sonra görüş iştirakçılarını maraqlandıran məsələlər barədə fikir mübadiləsi aparılıb.