Taleh Məmmədov :Müdrik insanlar

Müdriklik zirvə yolunun ömür İnsanı şərafətləndirən və ona baş ucalığı gətirən meyar, onun vicdanlı əməyinin dəyər göstəriciləridir

Dünyanın on bir iqlim qurşağından doqquzuna malik olan Azərbaycan torpağı özünün yeraltı və yerüstü təbii sərvətlərinin zənginliyi ilə ta qədim zamanlardan bəşəriyyətə məlumdur. Dünya xalqlarının həmişə və bu gün də marağında olduğu sərvətlərindən biri də “qara qızıl” adlandırılan və yerin dərin qatlarından çıxarılan Azərbaycan, yaxud da Şirvan neftidir. Neft milli sərvətimiz olmaqla bərabər həm də, ona olan dünyəvi marağı nəzərə alsaq tam əminliklə deyə bilərik ki, bu sərvət uzaq tarixi keçmişimizin yaddaş izlərini bu günümüzlə qovuşduran bir maddi-mənəvi yaddaş körpüsüdür. Əgər biz bu körpünün bir tərəfində karvanlar vasitəsilə “tuluqlarda” uzaq-uzaq ölkələrə aparılaraq həm sobalarda yanacaq kimi və həm də hərbi döyüşlərdə istifadə olunmasında neftimizin keçmişini görürüksə digər tərəfində isə onun bazasında inkişaf etmiş bugünkü böyük Azərbaycan neft sənayesini görürük. Xüsusilə, neftin sənaye üsulu ilə çıxarılmasının inkişaf edərək təşəkkül tapması yolunda respublikamızın neft üzrə alim və müvafiq  istiqamətlərdə  mütəxəssislərinin rolu danılmazdır. Onların sayəsində neft sənayemiz bugünkü durumuna çatmışdır. Bünövrəsi korifey neftçilər tərəfindən qoyulan Azərbaycan neft sənayesi özünün sonrakı inkişafında da daha etibarlı əllərdə olmuşdur. Bu inkişaf  yolunda əməyi olan neftçi-mütəxəssislərdən biri də Bağırov Davud Allahverdi oğldu.

Davud Bağırov 1950-ci ildə Azərbaycan Neft Sənayesi İnistutunda Neft-Mədən fakultəsinə qəbul olmuşdur. 1955-ci ildə Dəniz neft və qaz yataqlarının istismarı ixtisası üzrə bitirən Bağırov Davud Neftçalaneftdə fəaliyyətə başlamışdır. 

1960- cı illərdə Mişovdağ sahəsində 3 №-li mədənə müdür vəzifəsinə təyin edilmişdir. Daha sonra isə o, Kürovdağ sahəsində mədən müdürü, 1976-cı ildə isə Şirvanneft NQCS - Muradxanlı sahəsi üzrə rəis müavini işləmişdir. Respublikamızda “Bakines” qaldırıcısının ilk dəfə tətbiqinə görə keşmiş SSR-nin gümüş medalı və pul mükafatı  ilə təltif edilmişdir. Azərbaycan və SSR miqyasına bir quyuda iki obyektin tətbiqini Kürovdağ sahəsində ilk dəfə o həyata keşirmişdir. 1964-cü ildə Fəxri Neftçi adı almışdır. Davud Bağırov Şirvanneftdə QƏYTS sahəsinin müdüri, mədən müdüri, baş mühəndis və əməyin mühafizəsi və təhlükəsizlik texnikası işləri üzrə müavini, 1996-cı ildə “Azər-Petrol” Azərbaycan-Türkiyə müştərək neft müəsissəsində əməyin mühafizəsi və təhlükəsizlik texnikası şöbəsinin rəisi vəzifəsində işləmişdir. Fədakar əməyinə görə iki “Şərəf nişanı” ordeni almışdır. Davud Bağırovun 5 evladı olub, Allahverdi, Rafiq, Elşən, Cavid və Ramil. Neft sənayesində Davud  müəllimin davamçıları olan Şəhid atası Bağırov Allahverdi uzun müddət məsul vəzifələrdə çalışmışdır. Həmçinin Bağırov Cavid texnoloji nəqliyyat sexində sürücü (Allah rəhmət eləsin), Bağırov Ramil Neftin hazırlanması və nəqli sexində maşinist vəzifəsində fəaliyyətlərini davam etdiriblər. Bağırov Davud Allahverdi oğluna Allah rəhmət eləsin!

Mətinin Müəllifi : Taleh Məmmədov.